సూపర్ స్టార్ కృష్ణ పెద్ద కొడుకు, మహేష్ అన్న రమేష్ బాబు కాలేయ సంబంధిత వ్యాధితో బాధ పడుతూ నిన్న రాత్రి చనిపోయిన సంగతి తెలిసిందే. మహేష్ బాబుకు కరోనా నిర్ధారణ కావడంతో రమేష్ బాబు అంత్యక్రియలకు హాజరు కాలేదు. రమేష్ బాబు నాలుగు సినిమాలలో చిన్నప్పటి కృష్ణగా నటించారు. కొన్ని సినిమాలలో తండ్రి కృష్ణతో కలిసి రమేష్ బాబు హీరోగా నటించడం గమనార్హం. అయితే హీరోగా రమేష్ బాబు అనుకున్న స్థాయిలో సక్సెస్ సాధించలేదు.
తమిళంలో రమేష్ బాబు శాంతి ఎనదు శాంతి అనే ఒకే ఒక్క సినిమాలో నటించారు. టి.రాజేందర్ డైరెక్షన్ లో ఈ సినిమా తెరకెక్కడం గమనార్హం. సీనియర్ ఎన్టీఆర్ హీరోగా రక్త సంబంధం పేరుతో తెరకెక్కిన సినిమాను రమేష్ బాబు 1993 సంవత్సరంలో అన్నాచెల్లెలు పేరుతో రీమేక్ చేశారు. అయితే ఈ సినిమా బాక్సాఫీస్ వద్ద ఆశించిన స్థాయిలో సక్సెస్ సాధించకపోవడం గమనార్హం. మహాప్రస్థానంలో రమేష్ బాబు అంత్యక్రియలు జరిగాయి. పలువురు సెలబ్రిటీలు రమేష్ బాబు మృతికి సంతాపం తెలియజేశారు.
బాల్యం నుంచి రమేష్ బాబు మహేష్ బాబు స్నేహితులలా ఉండేవారని సమాచారం. చాలా సందర్భాల్లో రమేష్ బాబుకు తన వంతు సహాయం చేసి మహేష్ బాబు అండగా నిలిచారు. రమేష్ బాబు నిర్మాతగా మహేష్ హీరోగా అర్జున్, అతిథి సినిమాలు తెరకెక్కాయి. ఈ రెండు సినిమాలు నిర్మాతగా రమేష్ బాబుకు నష్టాలను మిగల్చటంతో మహేష్ చాలా ఫీలయ్యారని సమాచారం. దూకుడు, ఆగడు సినిమాలకు రమేష్ బాబు సమర్పకుడిగా వ్యవహరించగా దూకుడు సినిమా సక్సెస్ సాధించింది.
రమేష్ బాబును స్టార్ ప్రొడ్యూసర్ ను చేయాలని భావించగా మహేష్ కోరిక నెరవేరకుండానే రమేష్ బాబు చనిపోయారు. రమేష్ బాబు మృతితో కృష్ణ కుటుంబ సభ్యులు శోకసంద్రంలో మునిగిపోయారు. కొత్త ఏడాదిలో మహేష్ కు కరోనా సోకడం, రమేష్ బాబు చనిపోవడం మహేష్ అభిమానులను బాధ పెడుతోంది. మహేష్ బాబు త్వరగా కరోనా నుంచి కోలుకోవాలని ఫ్యాన్స్ కోరుకుంటున్నారు.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
