భరత్ అను నేను షూటింగ్ లో ఎప్పుడు జాయిన్ అవుతారంటే?

మురుగదాస్ డైరక్షన్లో సూపర్ స్టార్ మహేష్ బాబు నటిస్తున్న స్పైడర్ మూవీ కొన్ని రోజుల్లో కంప్లీట్ కానుంది. దీంతో కొరటాల శివ దర్శకత్వంలో చేస్తున్న “భరత్ అను నేను”  సినిమాకి డేట్ కేటాయించారు. కొరటాల కొన్ని రోజుల క్రితం మహేష్ బాబు లేకుండా ఈ చిత్రీకరణ మొదలెట్టారు. మహేశ్ పాత్ర చిన్నప్పటి సన్నివేశాలను మాస్టర్ జాయ్ పై తీశారు. రెండో షెడ్యూల్ ఈనెల 19 నుంచి మొదలుకాబోతోంది. అప్పుడే మహేష్ షూటింగ్ లో జాయిన్ అవుతున్నారు. ఇందుకోసం హైదరాబాద్ సిటీ శివార్లలో ఒక భారీ అసెంబ్లీ సెట్ వేస్తున్నారు. ఈ సెట్ పూర్తి అయిపోయింది.

నేరుగా ఆ సెట్ లోకే మహేష్ అడుగు పెట్టబోతున్నారు. ముఖ్యమంత్రిగా కనిపించే సన్నివేశాలను తొలుత డైరక్టర్ తెరకెక్కించనున్నారు. భారీ బడ్జెట్ తో డి.వి.వి. దానయ్య నిర్మిస్తున్న ఈ సినిమాలో బాలీవుడ్ బ్యూటీ కైరా అద్వానీ హీరోయిన్ గా ఎంపికైంది. దేవిశ్రీ ప్రసాద్ సంగీతం అందిస్తున్న ఈ చిత్రాన్ని 2018 సంక్రాంతికి విడుదల చేయనున్నారు. శ్రీమంతుడు వంటి బ్లాక్ బస్టర్ హిట్ అందించిన కాంబినేషన్లో రూపుదిద్దుకుంటున్న ఈ మూవీపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.