సంక్రాంతి పోరులో ఆర్ఆర్ఆర్ కి ధీటుగా మహేష్?

రాజమౌళి ప్రతిష్టాత్మక ప్రాజెక్ట్ ఆర్ ఆర్ ఆర్ విడుదల తేదీ 2020 జులై 30 నుండి 2021 జనవరి 8కి వాయిదాపడిన సంగతి తెలిసిందే. అనుకున్న సమయానికి షూటింగ్ పూర్తికాకపోవడమే ఇందుకు కారణమని తెలుస్తుంది. ఇక సినిమా క్వాలిటీ విషయంలో కాంప్రమైజ్ కానీ రాజమౌళి లేటైనా పర్లేదు మంచి అవుట్ ఫుట్ తో వద్దాం అని డిసైడ్ అయినట్టున్నారు. కాగా ఆర్ ఆర్ ఆర్ మూవీ 2021 సంక్రాంతికి వస్తున్నట్లు ప్రకటించిన నేపథ్యంలో మహేష్ మూవీతో పోటీ పడే అవకాశం కనిపిస్తుంది. సూపర్ స్టార్ మహేష్ తన తదుపరి చిత్రం వంశీ పైడిపల్లి దర్శకత్వంలో చేస్తున్న సంగతి తెలిసిందే.

ఇప్పటికే మహేష్-వంశీ పైడిపల్లి చిత్రంపై అధికారిక ప్రకటన రాగా, మే నెల నుండి రెగ్యులర్ షూటింగ్ మొదలుకానుంది. ఈ సంక్రాంతికి సరిలేరు నీకెవ్వరు మూవీతో బ్లాక్ బస్టర్ అందుకున్న మహేష్ నెక్స్ట్ మూవీ కూడా సంక్రాంతి కానుకగా విడుదల చేయాలని భావిస్తున్నారు. ఈనేపథ్యంలో ఆర్ ఆర్ ఆర్ చిత్ర యూనిట్ ఇప్పటికే తాము సంక్రాంతి బరిలో దిగుతున్నట్లు ప్రకటించేశారు. ఒక వేళ మహేష్ కూడా సంక్రాంతికే దిగితే పోరు ఆసక్తికరంగా మారనుంది. ఆర్ ఆర్ ఆర్ రాజమౌళి తెరకెక్కిస్తున్న పాన్ ఇండియా మూవీ అయినప్పటికీ మహేష్ కి ఉన్న స్టార్ డమ్ రీత్యా పోటీ రసవత్తరంగానే ఉంటుంది. కాబట్టి వచ్చే సంక్రాంతి బరిలో ఎన్టీఆర్,చరణ్ నటిస్తున్న ఆర్ ఆర్ ఆర్ తో మహేష్ పోటీపడే అవకాశం కలదు.

Most Recommended Video

జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!