మహేష్ బాబు సినిమా వస్తుందంటేనే ఎలాంటి క్రేజ్ ఉంటుందో ప్రత్యేకంగా చెప్పనక్కర్లేదు. మహేష్ కొత్త చిత్రం ఏదైనా సరే షూటింగ్ మొదలవుతుందంటే… మొదటి రోజు నుండే పుకార్లు.. షికార్లు చేస్తుంటాయి. ఏ విషయాన్నైనా స్వయంగా చిత్ర యూనిట్ ఖరారు చేస్తేనే తప్ప… ఏ విషయంలోనూ క్లారిటీ రాదు అనడంలో సందేహంలేదు. ప్రస్తుతం మహేష్ బాబు నటిస్తున్న ‘మహర్షి’ చిత్రం విషయంలో కూడా ఇదే జరుగుతుంది.ఇది మహేష్ బాబు కి 25 వ చిత్రం కాబట్టి.. ఈ చిత్రం పై భారీ అంచనాలే నెలకొన్నాయి.
అయితే మొదట ఈ చిత్రాన్ని ఏప్రిల్ 5 న విడుదల చేస్తున్నట్టు.. చిత్ర యూనిట్ స్వయంగా ప్రకటించింది. అయితే కొన్ని కారణాల వలన ఏప్రిల్ 25 కు మార్చినట్టు కూడా వార్తలొచ్చాయి. అయితే… ఇప్పుడు ‘మహర్షి’ చిత్రం మరింత లేట్ అవుతుందని సమ్మర్ లో ఈ చిత్రం వచ్చే అవకాశాలు లేవని… జూన్ కి పోస్ట్ పోన్ అయ్యిందని… ఓ రేంజ్ లో వార్తలు వచ్చాయి. అయితే ఇటీవల దిల్ రాజు ఇచ్చిన ఓ ఇంటర్వ్యూ లో ‘మహర్షి’ చిత్రం కచ్చితంగా ఏప్రిల్ 25 నే విడుదల అవుతుందని క్లారిటీ ఇచ్చాడు. ‘ఈ చిత్రం ఓ యూనివర్సల్ కంటెంట్ అని… కచ్చితంగా అన్ని వర్గాల ప్రేక్షకుల్ని అలరిస్తుందని… ఈ చిత్రం పెద్ద హిట్ అవ్వడం ఖాయమని చెప్పుకొచ్చాడు. అంతేకాదు ఈ చిత్రం పై బయట వస్తున్న వార్తల్లో ఎటువంటి నిజం లేదని…’ కూడా వివరణ ఇచ్చాడు. ఇక ఈ చిత్ర షూటింగ్ మార్చి 2 కి పూర్తవుతుందట. రెండు పాటలు మినహా మిగతా షూటింగ్ మొత్తం పూర్తవుతుందని సమాచారం. మరో వైపు పోస్ట్ ప్రొడక్షన్ పనులు కూడా చక చకా జరిగిపోతున్నాయట. ఇక ఈ చిత్రానికి సంబందించిన ప్రమోషన్లని కూడా మర్చి 2 వ వారం లేదా 3 వ వారం నుండీ మొదలు పెడతారని టాక్ వినిపిస్తుంది.
