“సూపర్ స్టార్ మహేష్ బాబు చరిష్మా, స్టార్ డమ్ గురించి అందరి తెలుసు. కాని అతను గొప్ప మానవత్వం కలిగిన మనిషి” అని బ్రహ్మోత్సవం చిత్ర దర్శకుడు శ్రీకాంత్ అడ్డాల చెప్పారు. ఆయన మహేష్ తో చేసిన రెండో సినిమా బ్రహ్మోత్సవం రేపు విడుదల కానుంది.
ఈ సందర్భంగా శ్రీకాంత్ మీడియా తో మాట్లాడుతూ “ఈ సినిమాలో సమంత, కాజల్, ప్రణీత, సత్యరాజ్, రేవతి, జయసుధ, రావు రమేష్, తనికెళ్ళ భరిణి వంటి బిజీ నటులు 25 మంది ఉన్నారు. వారందరి డేట్స్ ఒకే సారి దొరకడానికి ఎదురు చూశాను. వీరందరితో షూటింగ్ అంటే కొంత టెన్షన్ పడ్డాను, భయపడ్డాను. వాటన్నింటిని మహేష్ పోగొట్టాడు. అతని పాజిటివ్ ఆటిట్యూడ్ తో అందరిలో ఉత్సాహాన్నినింపేవాడు. తోటి సీనియర్, జూనియర్ నటులతో మహేష్ కలిసి పోయి ఒత్తిడి ని దూరం చేసేవాడు. నిజంగా అతను 100 పర్సెంట్ డైరక్టర్ల హీరో” అని చెప్పాడు.
