నవంబర్ 1 నుంచి అహ్మదాబాద్ లో షూటింగ్

సూపర్ స్టార్ మహేష్ బాబు నెక్స్ట్ షెడ్యూల్ ఫిక్స్ అయింది. మురుగదాస్ దర్శకత్వంలో ప్రిన్స్ నటిస్తున్న యాక్షన్ థ్రిల్లర్ మూవీ ప్రస్తుతం ఖమ్మంలోని కొత్తగూడెంలో షూటింగ్ జరుపుకుంటోంది. విశ్రాంతికి ముందు వచ్చే కీలక సన్నివేశాన్ని అక్కడ చిత్రీకరిస్తున్నారు. ఈ వీకెండ్ లో షెడ్యూల్ కి పేకప్ చెప్పనున్నారు. ఓ వైపు షూటింగ్ జరుగుతుండగానే మరో వైపు చిత్రం ఫస్ట్ లుక్ టీజర్ ని దీపావళికి రిలీజ్ చేసేందుకు మురుగదాస్ బృందం శ్రమిస్తోంది.

ఈ పండుగను కుటుంబ సభ్యులతో జరుపుకుని నెక్స్ట్ షెడ్యూల్ కోసం మహేష్ బాబు గుజరాత్ కి పయనం కానున్నారు. ఆ రాష్ట్ర రాజధాని అహ్మదాబాద్ లో నవంబర్ 1 నుంచి మొదలుకానున్న షెడ్యూల్ లో బిజీ కానున్నారు. అక్కడే నెలరోజుల పాటు కొనసాగనున్న చిత్రీకరణలో హీరోయిన్ రకుల్ ప్రీత్ సింగ్, విలన్ ఎస్.జె.సూర్య, ఇతర నటులు పాల్గొననున్నారు. ఇన్వెస్ట్ గేషన్ ఆఫీసర్ గా మహేష్ బాబు నటిస్తున్న ఈ మూవీని వేసవిలో ఒకేసారి తెలుగు, తమిళ్ భాషల్లో రిలీజ్ చేయనున్నారు.