మహేష్, మురుగదాస్ సినిమా టైటిల్, ఫస్ట్ లుక్ రిలీజ్ డేట్ ఫిక్స్

సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న సినిమా వేగంగా చిత్రీకరణ జరుపుకుంటోంది. ప్రస్తుతం గుజరాత్ ముఖ్య పట్టణం అహ్మదాబాద్ లో కీలక సన్నివేశాలను షూట్ చేస్తున్నారు. 100 కోట్ల బడ్జెట్ తో ఏక కాలంలో తెలుగు, తమిళ భాషల్లో తెరకెక్కుతున్న ఈ మూవీలో సూపర్ స్టార్ ఇన్వెస్ట్ గేషన్ ఆఫీసర్ గా నటిస్తున్నారు. స్పెషల్ పోలీస్ గా  ప్రిన్స్ లుక్ ని చూడాలని అభిమానులు ఎప్పటినుంచో  ఎదురుచూస్తున్నారు. వారి కోరిక త్వరలో తీరనుంది.

సూపర్ స్టార్ సరసన ఫిట్ బ్యూటీ రకుల్ ప్రీత్ సింగ్ నటిస్తున్న ఈ సినిమా ఫస్ట్ లుక్ ని జనవరి ఫస్ట్ కి రిలీజ్ చేయాలనీ మురుగదాస్ బృందం ఫిక్స్ అయింది. తమిళం, తెలుగు రెండు పోస్టర్ లను అప్పుడే విడుదల చేయాలని డైరక్టర్ భావిస్తున్నారు. ఈ మూవీ టైటిల్ కూడా అప్పుడే రివీల్ కానుంది. జాతీయ అవార్డు గ్రహీత సినిమాటోగ్రాఫర్ సంతోష్ శివన్ పనిచేస్తున్న ఈ సినిమాలో హీరోకి దేశభక్తి ఎక్కువగా ఉంటుంది. అందుకే ఈ మూవీ టీజర్ ని రిపబ్లిక్ (జనవరి 26 ) డే రోజు రిలీజ్ చేసేందుకు సిద్ధమవుతున్నారు.

Also, do SUBSCRIBE to our YouTube channel to get latest Tollywood updates.