సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న సినిమా సోమవారం నుంచి గుజరాత్ లోని అహ్మదాబాద్ పరిసరాల్లో చిత్రీకరణ జరుపుకుంటోంది. అక్కడి బిజీ రోడ్లపై ఫైట్ ని తెరకెక్కిస్తున్నారు. డిసెంబర్ 23 వరకు కొనసాగనున్న ఈ షెడ్యూల్ తో సినిమా దాదాపు పూర్తికానుంది. అయినప్పటికీ ఈ చిత్రం టైటిల్ పై మురుగదాస్ ఇంకా ఒక నిర్ణయానికి రాలేదు. మొదటి నుంచి వాస్కోడిగామా, హంటర్, అభిమన్యుడు వంటి పేర్లు పరిశీలించిన చిత్ర బృందం దేనిని ఖరారు చేయలేదు.
తెలుగు, తమిళ భాషల్లో ఒకే టైటిల్ ఉండాలని మహేష్ కండిషన్ పెట్టేసరికి ఇబ్బందుల్లో పడింది. మరో విషయం ఏమిటంటే ఈ చిత్రానికి శివ అనే పేరుతో కనెక్షన్ ఉంటుందంట. అందుకే టైటిల్ ల్లో శివ పేరు మస్ట్ గా ఉండాలని ప్రయత్నిస్తున్నారు. వంద కోట్ల బడ్జెట్ తో ఎన్.వి.ప్రసాద్, ఠాగూర్ మధు సంయుక్తంగా నిర్మిస్తున్న ఈ మూవీకి ఏజంట్ శివ అనే పేరు ఫిక్స్ అయ్యేట్టు ఉందని సమాచారం. ఆ పేరుని సూపర్ స్టార్ ఒకే చేస్తే జనవరి ఫస్ట్ కి టైటిల్, ఫస్ట్ లుక్ రిలీజ్ చేయాలనీ డైరక్టర్ మురుగదాస్ భావిస్తున్నారు.
Also, do SUBSCRIBE to our YouTube channel to get latest Tollywood updates.
