మహేష్, రాజమౌళి కాంబినేషన్ మూవీకి మరో రెండేళ్లు

దర్శకధీరుడు రాజమౌళి దర్శకత్వంలో నటించడానికి మహేష్ బాబు ఎంత ఉత్సాహంగా ఉన్నారో.. మహేష్ ని డైరక్ట్ చేయాలనీ రాజమౌళి కూడా అంతే ఉత్సాహంతో ఉన్నారు. ఇద్దరి కలయికలో మూవీ ఎప్పుడో రావాల్సింది కానీ డేట్స్ క్లాష్ వల్ల కుదరలేదు. ఈ సారి మాత్రం మహేష్, రాజమౌళి కాంబినేషన్లో మూవీని నిర్మించేందుకు ఎన్వీ ప్రసాద్ సిద్ధంగా ఉన్నారు. అయితే ఎప్పుడు అనే విషయంలో క్లారిటీ రాలేదు. ఎందుకంటే మహేష్ ప్రస్తుతం మురుగదాస్ దర్శకత్వంలో సినిమా చేస్తున్నారు. దీంతో పాటు కొరటాల శివ సినిమాని పట్టాలెక్కించారు. దీని తర్వాత వంశీ పైడి పల్లి మూవీని చేయనున్నారు.

ఈ మూడు సినిమాలు పూర్తి అయ్యే సరికి ఒకటిన్నర సంవత్సరం అవుతుంది. రాజమౌళి బాహుబలి తర్వాత నెక్స్ట్ ప్రాజక్ట్ ని ఇంకా ఖరారు చేయలేదు. కథ చర్చల్లోనే ఉన్నారు. డీవీవీ దానయ్య నిర్మించనున్న ఈ మూవీకి ప్రకటన వెలువడి పూర్తి అయ్యే నాటికీ రెండేళ్లు అవుతుందని అంచనా వేస్తున్నారు. సో వీరిద్దరి డేట్స్ రెండేళ్ల తర్వాతే మ్యాచ్ అవుతుంది. ఈ మధ్యలో ఏమైనా మిరాకిల్ జరిగి, ఈ కాంబోలో మూవీ మొదలైతే అది మహేష్ అభిమానుల అదృష్టమే అవుతుంది.

Also, do SUBSCRIBE to our YouTube channel to get latest Tollywood updates.