సూపర్ స్టార్ మహేష్ బాబు పక్కా క్లారిటీ తో అడుగులు వేస్తున్నారు. ప్రస్తుతం తమిళ స్టార్ డైరక్టర్ ఏఆర్ మురుగదాస్ దర్శకత్వంలో యాక్షన్ థ్రిల్లర్ మూవీ చేస్తున్న ప్రిన్స్, తన తర్వాతి చిత్రాల విషయంలో ముందుగానే నిర్ణయాలు తీసుకున్నారు. తనకి శ్రీమంతుడు వంటి ఇండస్ట్రీ హిట్ ఇచ్చిన కొరటాల శివ దర్శకత్వంలో ప్రిన్స్ మరోసారి నటించనున్నారు. డీవీవీ దానయ్య నిర్మిస్తున్న ఈ మూవీకి పూజా కార్యక్రమాలు కూడా పూర్తి అయ్యాయి. జనవరి నుంచి రెగ్యులర్ షూటింగ్ జరుపుకోనున్న ఈ 24వ మూవీకి దేవీ శ్రీ ప్రసాద్ సంగీత దర్శకుడిగా ఫిక్స్ అయ్యారు. ఇందులో ప్రిన్స్ సరసన ఇద్దరు కొత్త భామలు తెలుగు చిత్ర పరిశ్రమకు పరిచయం కానున్నారు.
ఈ సినిమా షూటింగ్ దశలో ఉండగానే సూపర్ స్టార్ 25 వ చిత్రం పట్టాలెక్కనుంది. వంశీ పైడిపల్లి దర్శకత్వంలో పీవీపీ వారు నిర్మించనున్న ఈ మూవీ పనులు ఇప్పటినుంచే ఊపందుకున్నాయి. ఇందుకు సంగీత దర్శకుడిగా తొలుత మలయాళ మ్యూజిక్ డైరక్టర్ గోపి సుందర్ ని తీసుకున్నారు. కానీ తాజాగా ఆ ప్లేస్ ని తమన్ దక్కించుకున్నట్లు తెలిసింది. 23 వ మూవీ వేసవి విడుదల అవుతుండగా, 24వ మూవీ దసరాకు సందడి చేయనుంది. 25వ మూవీ 2018 సంక్రాంతికి రానుంది. ఇలా మహేష్ బాబు పక్కా ప్లాన్ తో ఉన్నారు.
Also, do SUBSCRIBE to our YouTube channel to get latest Tollywood updates.
