ఖరారైన భరత్ అను నేను సినిమా విడుదల తేదీ

సూపర్ స్టార్ మహేష్ బాబు నటిస్తున్న స్పైడర్ మూవీ  దసరా కానుకగా సెప్టెంబర్ 27 న థియేటర్లోకి రానుంది. అంతేకాదు దీని తర్వాత కొరటాల శివ దర్శకత్వంలో చేస్తున్న మహేష్ బాబు 24 వ మూవీ రిలీజ్ డేట్ కూడా ఫిక్స్ అయింది. “భరత్ అను నేను” అనే టైటిల్ ఖరారు చేసిన ఈ మూవీలో మహేష్ ముఖ్యమంత్రిగా నటిస్తున్నారు. హైదరాబాద్ సిటీ శివార్లలో వేసిన అసెంబ్లీ సెట్ లో మహేష్ పై కీలక సన్నివేశాలను మొన్నటి వరకు తెరకెక్కించారు. ఈ షూటింగ్ లో బాలీవుడ్ బ్యూటీ కైరా అద్వానీ కూడా పాల్గొంది. ఈ చిత్రం ద్వారా ఈమె హీరోయిన్ గా తెలుగులో పరిచయం అవుతోంది.

భారీ బడ్జెట్ తో డి.వి.వి. దానయ్య నిర్మిస్తున్న ఈ సినిమాకి దేవిశ్రీ ప్రసాద్ సంగీతం అందిస్తున్నారు. ఈ సినిమా షూటింగ్ ని నవంబర్ కి కంప్లీట్ చేయాలనీ కొరటాల శివ పక్కా ప్లాన్ తో ఉన్నారు. డిసెంబర్ లో ఆడియోని విడుదల చేయాలనీ భావిస్తున్నారు. అలాగే మూవీ రిలీజ్ డేట్ ని ఫిక్స్ చేశారు. 2018 సంక్రాంతిని పురస్కరించుకొని జనవరి 11 న “భరత్ అను నేను” థియేటర్లోకి రానున్నట్లు చిత్ర బృందం ప్రకటించింది. శ్రీమంతుడు కాంబినేషన్లో వస్తున్న ఈ సినిమాపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.