Devara: దేవర ట్రైలర్ కు మిక్స్డ్ టాక్ వల్ల నష్టం లేదన్న ఫ్యాన్స్.. ఎందుకంటే?

యంగ్ టైగర్ జూనియర్ ఎన్టీఆర్ (Jr NTR)  , స్టార్ డైరెక్టర్ కొరటాల శివ (Koratala Siva) కాంబోలో తెరకెక్కిన దేవర (Devara) సినిమా నుంచి తాజాగా ట్రైలర్ విడుదలైన సంగతి తెలిసిందే. దేవర తెలుగు వెర్షన్ ట్రైలర్ కు యూట్యూబ్ లో 9 మిలియన్ల వ్యూస్ వచ్చాయి. ప్రస్తుతం యూట్యూబ్ లో ఈ ట్రైలర్ నంబర్ వన్ స్థానంలో ట్రెండింగ్ అవుతుండగా ఈ ట్రైలర్ కు ఒకింత మిక్స్డ్ రెస్పాన్స్ వస్తోంది. రొటీన్ కథ, కథనంతోనే దేవర తెరకెక్కుతోందని కొంతమంది కామెంట్లు చేస్తున్నారు.

Devara

అయితే జూనియర్ ఎన్టీఆర్ ఫ్యాన్స్ మాత్రం తాము ట్రైలర్ లో వింటేజ్ ఎన్టీఆర్ ను చూస్తున్నామని సినిమాకు హిట్ టాక్ వస్తే మాత్రం రికార్డులు బ్రేక్ కావడం పక్కా అని చెబుతున్నారు. దేవర (Devara) సినిమా రిలీజ్ కు ముందు ఈ సినిమా నుంచి మరో ట్రైలర్ కూడా రిలీజయ్యే అవకాశాలు అయితే ఉన్నాయని ఇండస్ట్రీ వర్గాల్లో వినిపిస్తోంది. గతంలో కొన్ని పెద్ద సినిమాలకు సంబంధించి ట్రైలర్ల విషయంలో అనుసరించిన స్టాటజీనే ఈ సినిమా విషయంలో ఫాలో అవుతున్నారని భోగట్టా.

జనతా గ్యారేజ్ (Janatha Garage)  మూవీలో కొరటాల శివ స్టైల్ లో తారక్ కనిపించగా ఈ సినిమాలో మాత్రం తారక్ ఫ్యాన్స్ కు నచ్చేలా కొరటాల శివ తారక్ ను చూపించారు. దేవర (Devara) ఫ్యాన్స్ కు ఫుల్ మీల్స్ లాంటి సినిమా అని ఈ విషయంలో సందేహం అక్కర్లేదని కామెంట్లు వినిపిస్తున్నాయి. కొంతమంది కావాలనే ట్రైలర్ విషయంలో నెగిటివ్ టాక్ స్ప్రెడ్ చేస్తున్నారనే అభిప్రాయాలు సైతం వ్యక్తమవుతున్నాయి.

కొరటాల శివ పాన్ ఇండియా ఇమేజ్ కు కూడా ఈ సినిమా సక్సెస్ సాధించడం కీలకమనే సంగతి తెలిసిందే. ఎన్టీఆర్, కొరటాల శివలకు ఈ సినిమా ద్వారా భారీ మొత్తం పారితోషికం దక్కిందని సమాచారం అందుతోంది. దేవర సినిమా 300 కోట్ల రూపాయల అత్యంత భారీ బడ్జెట్ తో తెరకెక్కగా ఈ సినిమా ఎలాంటి ఫలితాన్ని అందుకుంటుందో చూడాలి. దేవర (Devara) సినిమా కోసం ఎన్టీఆర్ ఫ్యాన్స్ ఆసక్తిగా ఎదురుచూస్తున్నారు.

గేమ్ ఛేంజర్ కు పోటీగా ఆ సినిమా.. శంకర్ కు భారీ షాక్ అంటూ?