మంచు విష్ణు, విరానికా కొత్త బిజినెస్..!

ఇప్పుడు టాలీవుడ్ సెలబ్రిటీలందరూ.. ఓ పక్క సినిమాలు చేస్తూనే మరోపక్క బిజినెస్ రంగంలోకి అడుగులు పెడుతున్న సంగతి తెలిసిందే. ప్రభాస్, మహేష్ లు ఇప్పటికే మల్టీ ప్లెక్స్ బిజినెస్ ను మొదలు పెట్టారు. ఇక అల్లు అర్జున్ కూడా అదే పనిమీద ఉన్నట్టు సమాచారం. విజయ్ దేవరకొండ ‘రౌడీ బ్రాండ్’ దుస్తులను ప్రమోట్ చేస్తూనే మరోపక్క సొంతంగా నిర్మాణ సంస్థను కూడా మొదలు పెట్టాడు. ఇప్పుడు మంచు విష్ణు కూడా అదే బాటలో నడుస్తున్నట్టు సమాచారం.

అసలు మ్యాటర్ ఏంటంటే… మంచు విష్ణు తన భార్య విరానికా తో కలిసి తన పిల్లలైన అరియానా, వివియానా ల పేర్ల మీద సొంతంగా కిడ్స్ ఫ్యాషన్ లైన్ ని మొదలుపెట్టబోతున్నాడట. ఈ ఏడాది మే నెలలో ఈ ఫ్యాషన్ లైన్ మొదలుకానుందని సమాచారం. ఇందులో పిల్లలకి కావాల్సిన అన్ని రకాల ఫ్యాషన్ డ్రెస్ లు సాధారణ ప్రజలకి సాధారణ ధరలకే అందుబాటులో ఉంటాయని తెలుస్తుంది. ‘ది మంచు ట్విన్స్’ పేరుతో ఈ కిడ్స్ ఫ్యాషన్ బిజినెస్ మొదలు పెట్టనున్నట్టు తెలుస్తుంది. మే లో ఈ బిజినెస్ స్టార్ట్ చేస్తారని సమాచారం.

Most Recommended Video