“ఝుమ్మంది నాదం” చిత్రం ద్వారా తాప్సి చిత్ర పరిశ్రమలో అడుగు పెట్టింది. ఈ చిత్రాన్ని నిర్మించిన మంచు లక్ష్మి తో అప్పటి నుంచి తాప్సికి స్నేహం కుదిరింది. ఆ తర్వాత గుండెల్లో గోదారి చిత్రంలోనూ ఇద్దరూ నటించారు. టాలీవుడ్ లో అనేక చిత్రాలు చేసినా గుర్తింపు లభించడం లేదని బాలీవుడ్ కి వెళ్లిన తాప్సి మంచి ఆఫర్ పట్టేసింది. పింక్ చిత్రంలో బిగ్ బీ అమితాబ్ బచ్చన్ తో కలిసి నటించే అవకాశం దక్కించుకుంది.
ఆ చిత్రం ఈ నెల 16 న విడుదలై విజయం సాధించింది. మంచి కలక్షన్స్ తో దూసుకుపోతోంది. ఇందులో అమితాబ్ తో పాటు తాప్సి కూడా మంచి పేరు వచ్చింది. అందరూ ఆమెను అభినందనలతో ముంచెత్తుతున్నారు. రీసెంట్ గా పింక్ చిత్రాన్ని చూసిన మంచు లక్ష్మి.. అందులో తాప్సి నటనను మెచ్చుకోకుండా ఉండలేక పోయారు. ట్విట్టర్ వేదికపై “నీ యాక్టింగ్ మైండ్ బ్లోయింగ్. నీ కెరీర్లో అద్భుతమైన సినిమా ఇది” అంటూ పోస్ట్ చేశారు. ఇందుకు తాప్సి ఆనందంతో థ్యాంక్ యూ అంటూ రీ ట్వీట్ చేసింది.
@taapsee you were mind blowing. All ur patience paid off. What an important film.@SrBachchan u are god! What power,voice & presence.#pink
— Lakshmi Manchu (@LakshmiManchu) September 20, 2016
