Manchu Manoj: అన్నదమ్ముల మధ్య ఇగోలు ఉండకూడదు: మంచు మనోజ్‌

మంచు వారి కుటుంబంలో ఆ మధ్య ఏదో చిన్న ఇబ్బంది వచ్చింది. మంచు సోదరుల మధ్య చిన్నపాటి ఘర్షణ వాతావరణం నెలకొంది. ఏమైందో, ఎందుకు జరిగిందో, ఎలా జరిగిందో, ఎవరి వల్ల జరిగిందో లాంటి ప్రశ్నలు అప్పుడు చాలానే వినిపించాయి. వీటిపై క్లారిటీ కోసం చాలా ప్రయత్నాలు జరిగాయి ఆ రోజుల్లో. అయితే ఎవరూ క్లారిటీ ఇవ్వలేదు. అంతేకాదు ఆ తర్వాత అడిగితే ‘సెగ్గడ్డ’ అంటూ ఏదో మాట్లాడాడు మనోజ్‌. అయితే తాజాగా ఓ సినిమా ప్రెస్‌ మీట్‌కు హాజరైన మనోజ్‌ చేసిన కొన్ని వ్యాఖ్యలు ఇప్పుడు వైరల్‌గా మారాయి.

సంపూర్ణేశ్‌ బాబు, సంజోష్‌ ప్రధాన పాత్రల్లో ‘సోదరా’ అనే ఓ సినిమా తెరకెక్కించింది. మన్మోహన్‌ మేనంపల్లి తెరకెక్కించిన ఈ సినిమాను త్వరలో విడుదల చేస్తున్నారు. ఈ నేపథ్యంలో సినిమాలోని ఓ పాటను విడుదల చేశారు. ఆ క్రమంలోనే మనోజ్‌ ఈ వ్యాఖ్యలు చేశాడు. అలాగే సంపూర్ణేశ్‌ బాబును కూడా మెచ్చుకుంటూ వావ్‌ అనిపించాడు. అయితే ఈవెంట్‌లో మనోజ్‌ చెప్పిన మాటలు సినిమా గురించేనా? లేక ఇంట్లో విషయం గురించి అన్నాడా అనేది తెలియాల్సి ఉంది.

సంపూ ఎంత మంచివాడు అనేది ఆయన నవ్వు చూస్తే అర్థమైపోతుంది. సంపూర్ణేశ్‌బాబును చూస్తుంటే మా ప్రసాద్‌ అన్న గుర్తొస్తుంటాడు. ప్రసాద్‌ అంటే మనోజ్‌ బాబాయ్‌ కొడుకు. గతంలో ఓ ప్రమాదంలో చనిపోయారు. సోదరుల అనుబంధం ఎప్పుడూ ప్రత్యేకమే. అన్నదమ్ముల మధ్య ఇగోలు ఉండకూడదు. ఇద్దరి మధ్య సమస్యలను చూస్తున్నామంటే వారు కూర్చొని మాట్లాడుకోవట్లేదని అర్థం అని అన్నదమ్ముల అనుబంధం గురించి చెప్పాడు (Manchu Manoj) మనోజ్‌.

అలాగే కుటుంబంలో కానీ, అన్నదమ్ముల మధ్య కానీ ఏదైనా సమస్య వచ్చినప్పుడు ఇద్దరిలో ఎవరో ఒకరు తగ్గాలి. అప్పుడే వారి ప్రయాణం బాగుంటుంది అని చిన్న సైజు వేదాంతం వల్లించాడు. అయితే ఎందుకు ఇప్పుడు చెప్పాడు, సినిమా కాన్సెప్ట్‌కి దగ్గరగా ఉందని చెప్పాడా? లేక మామూలగానే అన్నాడా అనేది తెలియాలి. ఇక మనోజ్‌ సంగతి చూస్తే ప్రస్తుతం ‘వాట్‌ ద ఫిష్‌: మనం మనం బరంపురం’ అనే సినిమా చేస్తున్నాడు. దీంతోపాటు ఓ ఓటీటీ కోసం ‘ఉస్తాద్‌: ర్యాంప్‌ ఆడిద్దాం’ అనే టాక్‌ గేమ్‌ షో చేస్తున్నాడు.

ఆదికేశవ్ సినిమా రివ్యూ & రేటింగ్!

కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!