మంచు ఇంట మొదలైన పెళ్లి సందడి..మహా మంత్ర పూజతో మొదలైన మనోజ్ పెళ్లి వేడుకలు..!

తెలుగు సినిమా ఇండస్ట్రీలో ఎంతో క్రేజ్ ఉన్నటువంటి ఫ్యామిలీలలో మంచు ఫ్యామిలీ ఒకటి. మోహన్ బాబు నటుడిగా నిర్మాతగా ఇండస్ట్రీలో ఎంతో పేరు ప్రఖ్యాతలు సంపాదించుకున్నారు.ఇక ఈయన వారసులుగా మనోజ్ విష్ణు లక్ష్మీప్రసన్న ఇండస్ట్రీలోకి అడుగుపెట్టిన విషయం మనకు తెలిసిందే. ఇలా ఇండస్ట్రీలో ఈ ముగ్గురు వరుస సినిమాలలో నటిస్తూ బిజీగా ఉన్నారు. ఇక మనోజ్ కెరియర్ మొదట్లో వరుస సినిమాలలో సందడి చేసినప్పటికీ తన వ్యక్తిగత కారణాలవల్ల గత కొంతకాలంగా సినిమా ఇండస్ట్రీకి దూరంగా ఉన్నారు. అయితే తాజాగా ఈయన తన సరికొత్త సినిమాని ప్రకటించారు.

ఇక మనోజ్ వ్యక్తిగత జీవితంలో కాస్త ఒడిదుడుకులు ఉన్న విషయం మనకు తెలిసిందే. ఈయన మొదట ప్రణతి రెడ్డి అనే అమ్మాయిని వివాహం చేసుకున్నారు. ఇలా వైవాహిక జీవితంలోకి అడుగుపెట్టిన మనోజ్ రెండు సంవత్సరాలకి తనతో మనస్పర్ధలు రావడం చేత ప్రణతి రెడ్డికి విడాకులు ఇచ్చారు. అప్పటినుంచి ఒంటరిగా ఉన్నటువంటి ఈయన ప్రముఖ రాజకీయ నాయకుడు దివంగత నేత భూమా నాగిరెడ్డి చిన్న కుమార్తె మౌనిక రెడ్డి తో రిలేషన్ లో ఉన్నట్టు గత కొంతకాలంగా వార్తలు వచ్చాయి.

అయితే ఈయన మౌనిక రెడ్డిని రెండవ వివాహం చేసుకోబోతున్నారని మార్చి మూడవ తేదీ వీరి వివాహం జరగబోతుందని తెలుస్తుంది. ఇలా మనోజ్ తిరిగి పెళ్లి చేసుకోవడంతో మంచు వారి ఇంట ఇప్పటికే పెళ్లి సందడి మొదలైందని తెలుస్తోంది. ఈ క్రమంలోనే మంచు ఫ్యామిలీలో ప్రీ వెడ్డింగ్ సెలబ్రేషన్స్ జరుగుతున్నట్టు తెలుస్తుంది.

ఇక మనోజ్ పెళ్లి వేడుకలను మహా మంత్ర పూజతో ప్రారంభించారని, ఇందుకు సంబంధించిన ఫోటోలను మంచు లక్ష్మి సోషల్ మీడియాలో షేర్ చేయడంతో ఇది కాస్త వైరల్ గా మారాయి. ఇలా మనోజ్ రెండో పెళ్లివేడుకలు ఘనంగా జరుగుతుండడంతో అభిమానులు కూడా సంతోషం వ్యక్తం చేస్తున్నారు.