Manchu Vishnu: కన్నప్ప టీజర్ ను ప్రేక్షకులకు చూపించేది అప్పుడేనట.. ఏమైందంటే?

మంచు విష్ణు (Manchu Vishnu)  ప్రధాన పాత్రలో ముఖేష్ కుమార్ సింగ్ డైరెక్షన్ లో తెరకెక్కుతున్న కన్నప్ప (Kannappa)   సినిమాపై ఒకింత భారీ స్థాయిలో అంచనాలు నెలకొన్నాయి. ప్రభాస్ (Prabhas) , అక్షయ్ కుమార్ (Akshay Kumar), కాజల్ (Kajal Aggarwal)  , మరి కొందరు ప్రముఖ నటులు నటిస్తుండటం ఈ సినిమాపై అంచనాలు పెంచింది. కేన్స్ ఫిల్మ్ ఫెస్టివల్ లో తాజాగా కన్నప్ప టీజర్ ను ప్రదర్శించారు. అయితే కన్నప్ప టీజర్ యూట్యూబ్ లో కూడా విడుదలవుతుందని ఫ్యాన్స్ భావించారు. ఈ టీజర్ కు వచ్చిన రెస్పాన్స్ గురించి మంచు విష్ణు స్పందించారు.

కేన్స్ లో కన్నప్ప టీజర్ ను ప్రదర్శించామని టీజర్ కు మంచి రెస్పాన్స్ వచ్చిందని ఆయన తెలిపారు. ఈ టీజర్ కు అంతర్జాతీయ డిస్ట్రిబ్యూటర్ల నుంచి ప్రశంసలు లభించాయని విష్ణు అన్నారు. స్థానిక భారతీయులు సైతం కన్నప్ప టీజర్ ను ప్రశంసించారని విష్ణు పేర్కొన్నారు. భారతదేశ ప్రేక్షకుల కోసం ఈ టీజర్ ను జూన్ నెల 13వ తేదీన రిలీజ్ చేయనున్నామని ఆయన అన్నారు.

సోషల్ మీడియాలో సపోర్ట్ చేస్తున్న వాళ్లకు ఈ నెల 30వ తేదీన హైదరాబాద్ లోని ప్రముఖ థియేటర్ లో టీజర్ ను ప్రదర్శించనున్నామని విష్ణు అన్నారు. త్వరలోనే వాళ్లకు ఆహ్వానాలు అందుతాయని విష్ణు అన్నారు. విష్ణు చేసిన ప్రకటనతో ఫ్యాన్స్ ఎంతో సంతోషిస్తున్నారు. ఈ సినిమాకు బిజినెస్ కూడా భారీ స్థాయిలో జరుగుతోందని సమాచారం అందుతోంది. ఎన్నో ప్రత్యేకతలతో ఈ సినిమా తెరకెక్కుతోంది.

మంచు విష్ణు ఈ సినిమా విజువల్ ఎఫెక్ట్స్ విషయంలో ఎన్నో జాగ్రత్తలు తీసుకుంటున్నారని కామెంట్లు వ్యక్తమవుతున్నాయి. ఈ సినిమా రిలీజ్ డేట్ కు సంబంధించి స్పష్టత రావాల్సి ఉంది. మంచు విష్ణు ఈ సినిమాతో పాన్ ఇండియా స్థాయిలో సక్సెస్ అందుకుంటారని కామెంట్లు వ్యక్తమవుతూ ఉండటం గమనార్హం. ఈ సినిమా రికార్డ్స్ క్రియేట్ చేస్తుందేమో చూడాల్సి ఉంది.