మంచు విష్ణు హీరోగా నటించిన జిన్నా మూవీపై భారీ స్థాయిలో అంచనాలు నెలకొన్నాయి. ఈ నెల 21వ తేదీన ఈ సినిమా థియేటర్లలో రిలీజ్ కానుంది. అదే రోజున ఈ సినిమాకు పోటీగా పలు సినిమాలు రిలీజవుతున్న నేపథ్యంలో జిన్నా సినిమాకు ఆశించిన స్థాయిలో థియేటర్లు దొరకడం లేదని తెలుస్తోంది. విష్ణు గత సినిమా అయిన మోసగాళ్లు సినిమాకు యావరేజ్ రివ్యూలు వచ్చినా ఈ సినిమా కమర్షియల్ గా ఫ్లాపైంది.
50 కోట్ల రూపాయల భారీ బడ్జెట్ తో ఈ సినిమాను తెరకెక్కించానని విష్ణు చెప్పినా ఈ సినిమాకు 3 కోట్ల రూపాయల కలెక్షన్లు కూడా రాకపోవడంతో విష్ణు మార్కెట్ పై ఆ ప్రభావం పడింది. అయితే తనపై సోషల్ మీడియాలో ట్రోల్స్ వస్తున్న నేపథ్యంలో ఆ ట్రోల్స్ గురించి విష్ణు మాట్లాడుతూ ఆసక్తికర విషయాలను వెల్లడించారు. తనపై ట్రోల్స్ చేయిస్తున్న హీరో ఎవరో అందరికీ తెలుసని విష్ణు కామెంట్లు చేశారు.
ఆ హీరో పేరును వెల్లడించడం నాకు ఇష్టం లేదని విష్ణు కామెంట్లు చేశారు. అయితే విష్ణు ఈ విధంగా చెప్పడం వల్ల వేర్వేరు పేర్లు ప్రచారంలోకి వచ్చే అవకాశం అయితే ఉంది. మంచు విష్ణు ట్రోల్స్ కు సంబంధించి వివాదం గురించి క్లారిటీ ఇచ్చి ఆ వార్తలకు చెక్ పెడితే బాగుంటుందని అభిప్రాయాలు వ్యక్తమవుతున్నాయి. విష్ణు ఈ విధంగా చేస్తారో లేదో చూడాల్సి ఉంది.
మరోవైపు జిన్నా మూవీకి బుకింగ్స్ ఆశించిన రేంజ్ లో లేవు. ప్రసాద్ మల్టీప్లెక్స్ లో మార్నింగ్ షోకు మాత్రమే బుకింగ్స్ బాగున్నాయి. సినిమా రిలీజ్ కు రెండు రోజుల సమయం ఉండటంతో ఆ సమయానికి బుకింగ్స్ పుంజుకుంటాయో లేదో చూడాల్సి ఉంది. పాయల్ రాజ్ పుత్, సన్నీ లియోన్ ఈ సినిమాలో హీరోయిన్లుగా నటించగా పాయల్ కు కూడా ఈ సినిమా సక్సెస్ కీలకమే అనే సంగతి తెలిసిందే.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
Home
