కొద్దిరోజుల క్రితం మెగాస్టార్ చిరంజీవితో మారుతి ఓ సినిమా చేయబోతున్నారనే వార్తలు వినిపించాయి. యూవీ క్రియేషన్స్ లో ఈ సినిమా రాబోతుందని ప్రచారం జరిగింది. ఆ తరువాత మారుతి కూడా చిరంజీవితో ఓ సినిమా చేయబోతున్నట్లు చెప్పారు. దాంతో ఈ కాంబినేషన్ పై ఆసక్తి మొదలైంది. కాకపోతే అటు చిరంజీవి కానీ ఇటు మారుతి కానీ ఖాళీ లేరు. ఇద్దరూ తమ ప్రాజెక్ట్స్ తో బిజీ అయ్యారు. మారుతికి ప్రభాస్ ని డైరెక్ట్ చేసే ఛాన్స్ రావడంతో ఆ ప్రాజెక్ట్ పై ఫోకస్ పెట్టారు.
మరోపక్క చిరంజీవి చేతిలో నాలుగైదు సినిమాలు ఉన్నాయి. దీంతో మారుతి-చిరు కాంబినేషన్ లో సినిమా కష్టమని అనుకున్నారు. మారుతి కూడా ఈ ప్రాజెక్ట్ గురించి మాట్లాడకపోవడంతో చిరు సినిమా చేజారిందనే అంతా అనుకున్నారు. అయితే ఇప్పుడు ఈ కాంబినేషన్ పై మళ్లీ ఆశలు చిగురించాయి. మారుతి డైరెక్ట్ చేసిన ‘పక్కా కమర్షియల్’సినిమా విడుదలకు సిద్ధమైంది. ఈ సినిమా ప్రీరిలీజ్ ఈవెంట్ కి చిరంజీవి ముఖ్య అతిథిగా హాజరయ్యారు. ఆయన స్పీచ్ లో దర్శకుడు మారుతి గురించి మాట్లాడారు.
యూవీ క్రియేషన్స్ నిర్మాతలు మారుతి దర్శకత్వంలో తను హీరోగా ఓ సినిమా చేయాలనుకుంటున్నారని చిరు చెప్పారు. ఈ ప్రాజెక్ట్ పై తనకు కూడా ఇంట్రెస్ట్ ఉందని.. మారుతికి మధ్యలో ఎప్పుడైనా గ్యాప్ దొరికితే సినిమా చేయొచ్చని చిరు అన్నారు. స్టేజ్ పైనే మారుతితో ప్రాజెక్ట్ గురించి ఉద్దేశిస్తూ.. మొత్తానికి బేరం కుదిరిందని చిరు అన్నారు. దాంతో ఈ కాంబినేషన్ మళ్లీ వార్తల్లోకి వచ్చింది. ప్రస్తుతం మారుతి ఫోకస్ మొత్తం ప్రభాస్ సినిమాపైనే ఉంది.
దాన్ని వీలైనంత త్వరగా ముగించాలని ప్లాన్ చేస్తున్నారు మారుతి. ఈలోగా చిరంజీవి ఖాళీ అయితే మారుతి-మెగాస్టార్ సినిమా పట్టాలెక్కడం ఖాయం. ఇప్పటికే చిరుకి తగిన కథను మారుతి రెడీ చేసి పెట్టుకున్నారు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
