మాస్ మహారాజ్ రవితేజ (Ravi Teja) హీరోగా స్టార్ రైటర్ భాను భోగవరపు స్వీయ దర్శకత్వంలో రూపొందిన చిత్రం ‘మాస్ జాతర’ (Mass Jathara). ‘సితార ఎంటర్టైన్మెంట్స్’ బ్యానర్ పై సూర్యదేవర నాగవంశీ ఈ చిత్రాన్ని నిర్మించారు. శ్రీలీల హీరోయిన్ గా నటించిన ఈ సినిమాకి భీమ్స్ సంగీతం అందించాడు. ‘తుమేరా లవర్, చిలక, సూపర్ డూపర్ సాంగ్ వంటివి ఆకట్టుకున్నాయి. సినిమాపై మాస్ ఆడియన్స్ ఫోకస్ పడేలా చేశాయి. నవంబర్ 1న రిలీజ్ అయిన ఈ సినిమాకి అక్టోబర్ 31న ప్రీమియర్స్ వేసిన సంగతి తెలిసిందే.
వాటికి మిక్స్డ్ టాక్ వచ్చింది. రొటీన్ రొట్ట సినిమా అంటూ రివ్యూయర్స్ అంతా సినిమాని చీల్చి చెండాడారు. అయినప్పటికీ మొదటి రోజు వసూళ్లు పర్వాలేదు అనిపించాయి. కానీ 2వ రోజు డౌన్ అయ్యాయి. 3వ రోజు కూడా సేమ్. అయితే 4వ రోజు స్టడీగా ఉంది. ఇలాగే కొనసాగితే సెకండ్ వీకెండ్ కి బెటర్ అయ్యే అవకాశం ఉంటుంది.
ఒకసారి 4డేస్ కలెక్షన్స్ ను గమనిస్తే:
| నైజాం | 3.10 cr |
| సీడెడ్ | 1.21 cr |
| ఉత్తరాంధ్ర | 0.82 cr |
| ఈస్ట్ | 0.55 cr |
| వెస్ట్ | 0.35 cr |
| గుంటూరు | 0.75 cr |
| కృష్ణా | 0.49 cr |
| నెల్లూరు | 0.25 cr |
| ఏపీ+తెలంగాణ టోటల్ | 7.52 cr |
| రెస్ట్ ఆఫ్ ఇండియా | 0.607cr |
| ఓవర్సీస్ | 0.60 cr |
| టోటల్ వరల్డ్ వైడ్ | 8.79 కోట్లు(షేర్) |
‘మాస్ జాతర’ (Mass Jathara) చిత్రానికి రూ.19 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కోసం రూ.20 కోట్ల షేర్ ను రాబట్టాల్సి ఉంది. 4 రోజుల్లో ఈ సినిమా ప్రీమియర్స్ తో కూడా కలుపుకుని రూ.8.79 కోట్ల షేర్ ను రాబట్టింది. గ్రాస్ పరంగా చూసుకుంటే రూ.18 కోట్ల వరకు కలెక్ట్ చేసింది. బ్రేక్ ఈవెన్ కోసం మరో రూ.11.21 కోట్ల షేర్ ను రాబట్టాల్సి ఉంది.
