టీనాశ్రీ క్రియేషన్స్ బ్యానర్ పై మణి సాయి తేజ,రేఖ నిరోషా జంటగా నటిస్తూ,నాగ మునెయ్య(మున్నా) నిర్మాతగ ముని సహేకర దర్శకత్వం వహిస్తున్న చిత్రం ‘మెకానిక్’. ట్రబుల్ షూటర్…అనేది ట్యాగ్ లైన్. ఇటీవలే సెన్సార్ కార్యక్రమాలు కూడా పూర్తి చేసుకొని డిసెంబర్ 15 న విడుదలకి సిద్ధమౌతోంది ఈ సినిమా. సక్సెస్ ఫుల్ డైరెక్టర్ అనిల్ రావిపూడి గారు ఈ సినిమా టీజర్ కు సంబంధించిన పోస్టర్ ను లాంచ్ చేయడం జరిగింది.ఈ సినిమాలో సిద్ శ్రీరామ్ పాడిన ‘నచ్చేసావే పిల్లా నచ్చేసావే’ అనే పాట ఇన్స్టాగ్రామ్లో 100M+ వ్యూస్ ను సాధించగా …యూట్యూబ్లో 8M+ వ్యూస్ ను సాధించి ట్రెండింగ్ లో నిలిచింది…ఇదే సినిమా నుండి రిలీజ్ అయిన మరో పాటు ” టు లెట్ బోర్డు ఉంది – నీ ఇంటికి ” కూడా 1.6M+ వ్యూస్ తో ముందుకు దూసుకుపోతోంది.
ఈ సినిమా నుండి కైలాష్ ఖేర్ పాడిన మరో ఎమోషనల్ సాంగ్ అతి త్వరలో మీ ముందుకు రాబోతోంది.. తనికెళ్ల భరణి, నాగ మహేష్, సూర్య, సమ్మెట గాంధీ, కిరీటి, ల్యాబ్ శరత్, మాస్టర్ చక్రి, ,వీర శంకర్ ,జబర్దస్త్ దొరబాబు సునీత మనోహర్, సంధ్య జనక్ తధితరులు నటిస్తుండగా…. పుష్పా ఫైట్ మాస్టర్ డ్రాగన్ ప్రకాష్ మాస్టర్ స్టంట్స్ అందించారు …. నందిపాటి శ్రీధర్ రెడ్డి మరియూ కొండ్రాసి ఉపేందర్ సహ నిర్మాతలుగా వ్యవహారించారు ..ఈ సినిమా తెలుగుతో పాటు తమిళం, కన్నడ, హిందీ భాషల్లోను వచ్చే డిసెంబర్ 15 న విడుదల చేయబోతున్నట్టు దర్శక నిర్మాతలు వెల్లడించి టీజర్ కాన్సెప్ట్ పోస్టర్ ను రిలీజ్ చేసిన అనిల్ రావిపూడి గారికి ప్రత్యేక కృతజ్ఞతలు తెలిపారు.
