ఒక సినిమాలో నటించే అవకాశం కోసం ఎంత కష్టపడాలో.. అదే చిత్రాన్ని నిర్మించి, విడుదల చేయడానికి అంతకుమించిన కష్టం ఉంటుంది. కానీ.. విజయ్ దేవరకొండ ఈ రెండు విషయాల్లో సూపర్ సక్సెస్ అయ్యాడు. నటుడిగా “పెళ్ళిచూపులు, అర్జున్ రెడ్డి, ట్యాక్సీవాలా, గీత గోవిందం” లాంటి సక్సెస్ లు సొంతం చేసుకొని జోరుమీదున్న విజయ్.. నిర్మాతగా తన తొలి ప్రయత్నంలోనే కమర్షియల్ హిట్ ను అందుకొన్నాడు. అయిదు కోట్ల రూపాయల బడ్జెట్ లో తెరకెక్కిన “మీకు మాత్రమే చెప్తా” కేవలం మూడు రోజుల్లోనే 4 కోట్ల రూపాయలు వసూలు చేసింది. తరుణ్ భాస్కర్, అభినవ్ గోమటం, అనసూయ, వాణి భోజన్ కీలకపాత్రల్లో తెరకెక్కిన ఈ చిత్రం 1వ తారీఖు విడుదలై విమర్శకుల నుండి మిశ్రమ స్పందన.. యూత్ ఆడియన్స్ నుంచి మంచి రెస్పాన్స్ అందుకుంది.
దాంతో మొదటివారంలోనే నిర్మాతగా విజయ్ దేవరకొండ సేఫ్ జోన్ లోకి వచ్చేయగా.. మరో రెండు రోజుల్లో డిస్ట్రిబ్యూటర్స్ కి లాభాలు వచ్చే అవకాశాలున్నాయి. సినిమా విడుదలైన తర్వాత కూడా విజయ్ & టీం నిర్విరామంగా చేసిన ప్రమోషన్స్ సినిమాకి బాగా ప్లస్ అయ్యాయి. డిజిటల్ రైట్స్ కూడా బాగానే వర్కవుట్ అయ్యాయి కాబట్టి.. నిర్మాతగా తొలి ప్రయత్నంలోనే విజయ్ దేవరకొండ మంచి విజయంతోపాటు లాభాలు కూడా అందుకొన్నాడన్నమాట.
మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!
