‘మీసాలోడు’.. భలే మాసీగా ఉంది కదా టైటిల్.. అందుకే దీన్ని రిజిస్టర్‌ చేయించారట యూవీ క్రియేషన్‌ వాళ్లు. ఈ టైటిల్ టాలీవుడ్‌లో ఏ స్టార్ హీరోకి పెట్టినా అదిరిపోతుంది అని ప్రత్యేకంగా చెప్పక్కర్లేదు. అయితే ఎవరి కోసం తీసుకున్నారు అనేదే ఇక్కడి ప్రశ్న. ఈ టైటిల్ గురించి సమాచారం బయటకు వచ్చినప్పటి నుండి మా హీరోకు బాగుంటుంది అంటే మా హీరోకు బాగుంటుంది అని అభిమానులు సోషల్‌ మీడియలో చర్చించుకుంటున్నారు.
అసలు ఈ సమస్య ఎందుకు వచ్చింది అంటే.. యూవీ క్రియేషన్స్‌ దగ్గర చాలామంది హీరోలు ఉన్నారు. చాలామంది యూవీ నుండి అడ్వాన్స్‌లు తీసుకొని ఉన్నారు. అందులో మాస్‌ ఇమేజ్‌ ఉన్న స్టార్ హీరోలే ఎక్కువ. దీంతో ఈ టైటిల్ ఎవరి కోసం అనేది ఒక పట్టాన అర్థం కావడం లేదు. యూవీ దగ్గర ఉన్న పెద్ద హీరోల్లో రామ్ చరణ్ ఒక‌డు. ఆయనతో యూవీ త్వ‌ర‌లోనే ఓ సినిమా ప‌ట్టాలెక్కించ‌బోతోంది. దీంతో ఈ టైటిల్ చరణ్ కోసమే అంటున్నారు మెగా ఫ్యాన్స్‌.
అయితే యూవీ క్రియేషన్స్‌ దగ్గర ఎన్టీఆర్‌ డేట్స్‌ కూడా ఉన్నాయనే విషయం తెలిసిందే. ఈ లెక్కన ఆ టైటిల్ ఎన్టీఆర్‌ కూడా బాగా సూట్‌ అవుతుందని, ఏదో ఒక కథను ఓకే అనుకున్న టీమ్‌ ఈ టైటిల్ రిజిస్టర్‌ చేయించి ఉండొచ్చని మాట్లాడుకుంటున్నారు. ఇక ప్రభాస్ డేట్లు ఎప్పుడూ యూవీ క్రియేషన్స్‌ దగ్గర ఉంటాయి. దానికితోడు ప్రభాస్ రాజుకు ఈ టైటిల్ ఇంకా బాగా యాప్ట్‌ అవుతుంది అని చెప్పొచ్చు. రాజుగారికి ఆ టైటిల్ ఊరమాస్‌ యాడ్‌ఆన్‌ అవుతుంది.
దీంతో అసలు ఈ టైటిల్ ఎవరి కోసం అనే ప్రశ్న ఎక్కువైంది. పైన అనుకున్నట్లు ఈ ముగ్గురిలో ఒకరికా, లేక ఏదైనా యువ హీరోతో సినిమా చేయడానికి ఈ టైటిల్ ఓకే చేసుకున్నారా అనేది తెలియడం లేదు. దీనిపై యూవీ టీమ్‌ ఏదన్నా క్లారిటీ ఇవ్వాలి. లేదంటే ఈ టైటిల్ ఆశావహుల్లో చాలామంది హీరోల అభిమానులు చేరిపోతారు.
Most Recommended Video
శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!
