Mega 158: అనంతపురం టు వెస్ట్‌ బెంగాల్‌ టు అనంతపురం.. మెగా 158 టైటిల్‌ అర్థం ఇదేనా?

‘కొరియన్‌ కనకరాజు’ సినిమా సక్సెస్‌ మీట్‌కి చిరంజీవి వస్తున్నారు అంటే.. ప్రేక్షకుల దృష్టి ఈ సినిమా గురించి, సినిమా టీమ్‌ గురించి చిరంజీవి ఏం మాట్లాడతారు అని ఆలోచిస్తారు. కానీ చిరంజీవి ఫ్యాన్స్‌ మరో విషయం గురించి వెయిట్‌ చేస్తుంటారు. అదే చిరు లీక్స్‌. చిరంజీవి తన సినిమాల గురించి ఏమైనా చెప్పాలి అనుకుంటే చెప్పీ చెప్పనట్లు కొన్ని విషయాలు చెప్పేస్తుంటారు. కొన్నిసార్లు పూర్తిగా చెప్పేస్తుంటారు. అలా ఇప్పుడు కూడా చిరంజీవి సగం సమాచారం ఇచ్చేశారు.

Mega 158

బాబీ కొల్లి డైరక్షన్‌ చిరంజీవి ఇప్పుడు తన 158వ సినిమా చేస్తున్న విషయం తెలిసిందే. ఈ సినిమా షూటింగ్‌ ఇటీవల మొదలై శరవేగంగా జరుగుతోంది. ఈ నెల 22న చిరంజీవి పుట్టిన రోజు సందర్భంగా చిత్రబృందం టీజర్‌ను రిలీజ్‌ చేస్తుంది అని గత కొన్ని రోజులుగా అనుకుంటూనే ఉన్నాం. ఇప్పుడు అనుకున్నట్లుగా చిరంజీవి ఆ విషయాన్ని లీక్‌ ఇచ్చేశారు. 22న టీజర్‌ రిలీజ్‌ చేస్తున్నాం కదా.. అంటూ తమన్‌ని అడిగి మరీ కన్ఫామ్‌ చేసుకొని చెప్పేశారు.

ఇదంతా జరగడానికి ముందే మరొక చర్చ కూడా జరిగింది. పైన చెప్పిందంగా స్టేజీ మీద జరగ్గా.. ఇది స్టేజీ కింద జరిగింది. ‘టీజర్‌లో టైటిల్‌ కార్డ్‌ వేశారు కదా.. అది ‘కదిరి..’ కదా అంటూ ఆపేశారు. అంటే సినిమా పేరు ‘కదిరి’తో స్టార్ట్‌ అవుతుంది అని చెప్పేశారు చిరు. కదిరి అంటే అనంతపురంలో ఉన్న ప్రాంతం. అంటే సినిమా నేపథ్యం రాయలసీమ. ఇక సినిమా అనౌన్స్‌మెంట్‌, ఆ తర్వాత రిలీజ్‌ చేసిన పోస్టర్లలో సినిమా గురించి బెంగాళీలో కొన్ని వ్యాఖ్యలు రాశారు.

అంటే ఇప్పుడు సినిమా అనంతపురం టు వెస్ట్‌ బెంగాల్‌ టు అనంతపురం అని చెప్పాలి. చూస్తుంటే ఇదేదో ఫ్యాక్షన్‌ కథకు మరో రూపంలా కనిపిస్తోంది. రివేంజ్‌, యాక్షన్‌, మాస్‌ ఎలిమెంట్స్‌ దండిగా ఉంటాయి అని చెప్పొచ్చు. 22న ఈ విషయంలో పూర్తి క్లారిటీ వస్తుంది. ఇక ఈ సినిమాను సంక్రాంతిని టార్గెట్‌ చేసుకొని తెరకెక్కిస్తున్నారు.

విశ్వనాథ్ అండ్ సన్స్ పై త్రివిక్రమ్ రివ్యూ