కొరటాల దర్శకత్వంలో నటించే తొలి మెగా హీరో ఎవరు ?

మిర్చి, శ్రీమంతుడు, జనతా గ్యారేజ్.. ఈ చిత్రాలు చాలు కొరటాల శివ దర్శకత్వ ప్రతిభ గురించి చెప్పడానికి. ఈ మూడు బ్లాక్ బస్టర్ హిట్ కొట్టి కొరటాల ను టాలీవుడ్ టాప్ డైరక్టర్స్ లో ఒకరిని చేశాయి. మిర్చి కమర్షియల్ హిట్ సాధించేసరికి మెగా హీరోలు కొరటాలను తమ కాంపౌండ్ లోకి ఆహ్వానించారు. రామ్ చరణ్  తో సినిమా కూడా మొదలయింది. కానీ అది రెగ్యులర్ షూటింగ్ కి వెళ్లకముందే వెనక్కి వెళ్లిపోయింది. దీంతో కొరటాల మెగా హీరోలను దూరం పెట్టారు. శ్రీమంతుడు, జనతా గ్యారేజ్..ఇండస్ట్రీ హిట్ అవడంతో ఇతనితో సినిమా చేసేందుకు వారు ఆసక్తి కనబరుస్తున్నారు.

భారీ ఆఫర్లు ప్రకటించేసరికి మెగా హీరోలతో ఒక సినిమా చేస్తానని మాట కూడా ఇచ్చారంట. అయితే చిరు, పవన్, బన్నీ, చరణ్, సాయి ధరమ్ తేజ్, వరుణ్ తేజ్ లలో ఎవరితో చేస్తారనేది ఇంకా క్లారిటీ రాలేదు. ప్రస్తుతం మహేష్ సినిమాను పట్టాలెక్కించే పనిలో ఉన్న కొరటాల దీని తర్వాత మెగా హీరో తో చేయనున్నారు. ఆ లక్కీ హీరో ఎవరవుతారబ్బా? అని ప్రస్తుతం టాలీవుడ్ లో చర్చ సాగుతోంది.

Also, do SUBSCRIBE to our YouTube channel to get latest Tollywood updates.