టాలెంట్ ఉన్న దర్శకులను ప్రోత్సహించే విషయంలో చిరంజీవి ముందువరసలో ఉంటారనే సంగతి తెలిసిందే. బాబీ డైరెక్షన్ లో తెరకెక్కిన వాల్తేరు వీరయ్య సినిమాతో సక్సెస్ సాధించిన చిరంజీవి తర్వాత సినిమా భోళా శంకర్ ఈ ఏడాది దసరా కానుకగా థియేటర్లలో రిలీజ్ కానుందని సమాచారం అందుతోంది. ఈ సినిమా తర్వాత చిరంజీవి త్రినాథరావు నక్కిన కాంబోలో సినిమా తెరకెక్కనుందని తెలుస్తోంది. ఈ విషయం తెలిసిన నెటిజన్లు త్రినాథరావు నక్కిన నక్క తోక తొక్కారని కామెంట్లు చేస్తున్నారు.
సక్సెస్ రేట్ ఎక్కువగా ఉండటం ఈ దర్శకుడికి వరమైనా ఆశించిన స్థాయిలో ఇండస్ట్రీలో ఈ డైరెక్టర్ కు గుర్తింపు దక్కలేదు. రవితేజకు భారీ హిట్ ఇచ్చిన ఈ డైరెక్టర్ కు రైటర్ బెజవాడ ప్రసన్న నుంచి కూడా సహాయ సహకారాలు అందిస్తుండటం కెరీర్ పరంగా మరింత ప్లస్ అవుతోందని కామెంట్లు వినిపిస్తుండటం గమనార్హం. అయితే బెజవాడ ప్రసన్న కూడా దర్శకునిగా కెరీర్ ను మొదలుపెడుతున్న నేపథ్యంలో రాబోయే రోజుల్లో త్రినాథరావు నక్కినకు ప్రసన్న సహాయం ఉంటుందో లేదో తెలియాల్సి ఉంది.
చిరంజీవి త్రినాథరావు నక్కిన కాంబో మూవీకి డీవీవీ దానయ్య నిర్మాత అని సమాచారం. ఆర్.ఆర్.ఆర్ సక్సెస్ తో ఈ స్టార్ ప్రొడ్యూసర్ కు ఏకంగా 200 కోట్ల రూపాయల రేంజ్ లో లాభం వచ్చిందని సమాచారం. ఆ డబ్బుతో భారీ ప్రాజెక్ట్ లను నిర్మించే దిశగా దానయ్య అడుగులు పడుతున్నాయని తెలుస్తోంది. త్రినాథరావు చెప్పిన లైన్ చిరంజీవికి నచ్చిందని ఈ దర్శకుడు కూడా వింటేజ్ చిరంజీవిని చూపించనున్నారని తెలుస్తోంది.
రాబోయే రోజుల్లో కూడా తనకు అచ్చొచ్చిన ఎంటర్టైన్మెంట్ ప్రధాన చిత్రాలనే ఈ దర్శకుడు తెరకెక్కించనున్నారని సమాచారం అందుతోంది. త్రినాథరావు నక్కిన రేంజ్ అంతకంతకూ పెరుగుతోందే తప్ప తగ్గడం లేదు. ఈ దర్శకుడు చిరంజీవి సినిమాతో సక్సెస్ సాధిస్తే మాత్రం ఈ దర్శకుడి మార్కెట్ రెట్టింపు అయ్యే అవకాశాలు అయితే ఉన్నాయి.
2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!
షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?
