ఒక అమ్మాయికి ఆడిషన్లో ఎంతోమందిని దాటుకుని హీరోయిన్ గా ఎంపిక కావడమే పెద్ద విషయం. వచ్చిన వారిలో మంచి ప్రతిభ దాగివున్నా, అందంగా ఉన్నా తొలి సినిమా ఫలితమే తర్వాతి అవకాశాలను నిర్ణయించే రోజులివి. ఇవేవీ పట్టనట్టు తొలి సినిమా విడుదల కాకముందే ముందే మెరుపు వేగం కనబరుస్తోంది ఓ అమ్మాయి.
మేఘ ఆకాష్.. నిన్న మొన్నటి వరకు ఈ పేరు ఎవరికీ తెలియకపోవచ్చు గాక. కానీ నేడు ఆ అమ్మాయి చిత్ర వర్గాల్లో పెద్ద చర్చ రేపుతోంది. తమిళనాట తెరకెక్కిన ఓ చిన్న సినిమాతో త్వరలో తెరంగేట్రం చేయనున్న ఈ యువ నటి ఇప్పటికే గౌతమ్ మీనన్-ధనుష్ కలయికలో రానున్న సినిమాకి ఎంపికైంది. ఇక్కడితో ఆగిందంటే అదీ లేదు. మనం, 24 వంటి బ్లాక్ బస్టర్ చిత్రాల దర్శకుడు విక్రమ్ కుమార్ కంట పడింది. విక్రమ్ కుమార్-అఖిల్ కలయికలో ఓ సినిమా రూపుదిద్దుకోనున్న సంగతి తెలిసిందే. ఈ సినిమాలో హీరోయిన్ గా ఛాన్స్ కొట్టేసిందట మేఘ ఆకాష్. మొత్తానికి మన అక్కినేని హీరోకి హీరోయిన్ కూడా దొరికేసింది. ఇక సినిమా సెట్స్ మీదికి వెళ్ళటమే తరువాయి..!
Also, do SUBSCRIBE to our YouTube channel to get latest Tollywood updates.
