చిన్న-పెద్ద, స్టార్-బడ్డింగ్ అనే తేడా లేకుండా ప్రతి కథానాయికకూ ఓ గోల్ అనేది ఉంటుంది. కొందరికి ఫలానా స్టార్ హీరోతో సినిమా చేయడం అనేది గోల్ అయితే.. ఇంకొందరికి కథానాయికగా సంపాదించిన డబ్బుతో లగ్జరీ కార్ లేదా ఫ్లాట్ కొనుక్కోవడం అనేది కల అయ్యుండొచ్చు. కానీ.. “కృష్ణగాడి వీరప్రేమగాధ” చిత్రంతో కథానాయికగా తెలుగు తెరకు పరిచయమైన పంజాబీ బ్యూటీ మెహరీన్ కు మాత్రం “అంతకుమించి”న కల ఉంది. పెద్ద కష్టమైన కలేమీ కాదనుకోండి. అమ్మడి కల ఏంటంటే..
“అతికొద్ది సమయంలో కథానాయికగా తెలుగు ప్రేక్షకుల హృదయాల్ని జయించడమే కాదు తన అందంతో ఆ హృదయాల్ని పరిపాలించాలని ఉందట”. ఇదే అమ్మడి గోల్. ప్రస్తుతం గోపీచంద్, వరుణ్ తేజ్, నితిన్ సినిమాలు చేస్తున్న ఈ భామ ఇటీవలకాలంలో బాగా సన్నబడడంతో ఆఫర్లు క్యూ కడుతున్నాయి. ఆకట్టుకొనే అభినయ సామర్ధ్యంతోపాటు అందాల ప్రదర్శనకు ఇబ్బందిపడకపోవడం అమ్మడికి పెద్ద ఎస్సెట్. సో, అమ్మడి కల అతి త్వరలోనే నెరవేరే అవకాశాలు పుష్కలంగా ఉన్నాయి.
