‘కృష్ణగాడి వీర ప్రేమ గాథ’ చిత్రంతో టాలీవుడ్ కు ఎంట్రీ ఇచ్చింది మెహ్రీన్ పిర్జాదా. చేసిన మొదటి చిత్రంతోనే హిట్టందుకున్న ఈ భామ.. తన నటనతో కూడా ఆకట్టుకుంది. ఆ తరువాత చేసిన ‘మహానుభావుడు’ ‘రాజా ది గ్రేట్’ చిత్రాలు కూడా సూపర్ హిట్లయ్యాయి. దీంతో మెహ్రీన్ కు వరుసగా అవకాశాలు దక్కాయి. ఇంకే.. అమ్మడి దశ తిరిగినట్టే అని అంతా అనుకున్నారు. కానీ ‘కేరాఫ్ సూర్య’ ‘జవాన్’ ‘పంతం’ ‘నోటా’ ‘కవచం’ వంటి చిత్రాలు డిజాస్టర్లు కావడంతో ఈ అమ్మడు డీలా పడిపోయింది.
ఈ క్రమంలో తనకి ‘రాజా ది గ్రేట్ వంటి’ హిట్ ఇచ్చిన దర్శకుడు అనిల్ రావిపూడి మళ్ళీ ‘ఎఫ్ 2’ లో అవకాశం ఇచ్చాడు. ఈ చిత్రంలో కూడా మంచి పాత్రే. స్వయంగా తన పాత్రకి తనే డబ్బింగ్ చెప్పుకుని సిన్సియర్ ఎఫర్ట్ పెట్టింది. బ్లాక్ బ్లాస్టర్ కూడా సాధించింది. ఈ చిత్రంతో మళ్ళీ టాలీవుడ్ లో మళ్ళీ బిజీ అవుతుందనుకున్నారంతా..! కానీ ఈ అమ్మడికి ఒక్క ఆఫర్ కూడా లేకపోవడం ఆశ్చర్యం కలిగించే విషయం. దీంతో టాలీవుడ్ కు గుడ్ బై చెప్పేసి… కోలీవుడ్ బాలీవుడ్ లో ట్రై చేసుకుంటే బెటర్ అని ఈ భామ ఆలోచనలో ఉన్నట్టు తెలుస్తుంది.
Home