మోనాలిసా.. సోషల్ మీడియాలో ఇటీవల కాలంలో వైరల్ అయిన వ్యక్తుల్లో ఆమె ఒకరు. కుంభమేళాలో పూసలు అమ్ముకుంటూ నెటిజన్లకు పరిచయమై మోనాలిసాను అక్కడి నుండి పంపేసిన పరిస్థితి వచ్చింది. ఆమె వల్ల మిగిలిన వారికి ఇబ్బంది అవుతుందని పంపించేశారు. అంతలా ఆమె వైరల్ చేసేశారు. ఆ ఎఫెక్ట్ ఏ రేంజిలో వచ్చింది అంటే.. ఏకంగా సినిమాల్లో నటించే ఛాన్స్ వచ్చింది. సినిమాలో నటించింది కూడా. అయితే ఇప్పుడు ఆ అవకాశం ఇచ్చిన దర్శకుడి మీదనే ఆమె వైరల్ కామెంట్స్ చేసింది. ఇటీవల పెళ్లి చేసుకున్న మోనాలిసా.. ఇప్పుడు ఏకంగా ఆత్మహత్య చేసుకుంటాం అనేంతలా పరిస్థితి మారింది.
తాను ప్రేమించిన ఫర్మాన్ ఖాన్ అనే అబ్బాయితో ఇటీవల కేరళలో కనిపించింది మోనాలిసా.. అంతలోనే పెళ్లి చేసుకోవడం చర్చనీయాంశంగా మారింది. కొంతమంది ఇది లవ్ జిహాద్ అని విమర్శించగా.. ఆమె ఖండించింది. ఆ కామెంట్లు చేసినవారిలో ఆమెకు సినిమాలో ఛాన్స్ ఇచ్చిన సనోజ్ మిశ్రా కూడా ఉన్నారు. తమ సినిమా మధ్యలో వదిలేసి వెళ్లిపోయింది అని సనోజ్ అనగా.. ఇప్పుడు మోనాలిసా మాట్లాడుతూ సనోజ్ తనతో అసభ్యంగా ప్రవర్తించాడని, ఆరోపించింది. అంతేకాదు ప్రశాంతంగా నిద్రపోనిచ్చేవాడు కాదని చెప్పింది.
తనకు తెలియకుండానే అసభ్యకర సన్నివేశాలు చిత్రీకరించారని, సినిమాలో నటించడానికి వచ్చిన కొంతమంది మైనర్ బాలికలతో అనుచితంగా ప్రవర్తించాడని విమర్శించింది. అక్కడితో ఆమె ఆగకుండా ఆయన తప్పుడు పనులకు సంబంధించిన వీడియోలు తన దగ్గర ఉన్నాయని చెప్పింది. ఈ విషయం వారింట్లో చెప్పినా వారూ పట్టించుకోలేదని చెప్పింది. ఇదిలా ఉండగా మోనాలిసా భర్త మాట్లాడుతూ నన్ను తప్పుగా అర్థం చేసుకుంటున్నారు. నన్ను చంపేస్తామని బెదిరిస్తున్నారు. ఎందుకిలా చేస్తున్నారు అని ప్రశ్నిస్తున్నాడు.
నేను ప్రేమించడం తప్పా? మమ్మల్ని ఇంతలా హింసిస్తారా? మా దగ్గర డబ్బులు లేవు. మేమెలా బతుకుతాం? మా దారిన మమ్మల్ని వదిలేయండి. మీరు ఇలాగే వేధిస్తే ఆత్మహత్య చేసుకుంటాం. ఢిల్లీ, మధ్యప్రదేశ్, కేరళ ప్రభుత్వాలు మాకు సహాయం చేయాలి. లేకపోతే ఆత్మహత్య చేసుకుంటాం అని మోనాలిసా కూడా చెప్పింది.
