వారంతం మొత్తం సినిమాలే

గతవారం నాలుగు తెలుగు సినిమాలు విడుదలైనా సినీ అభిమానుల ఆకలి తీరలేదు. “వైఫ్ ఆఫ్ రామ్” మినహా మరో చిత్రమేదీ పెద్దగా ఆకట్టుకోలేకపోవడంతో అందరూ రేపు వచ్చే శుక్రవారం కోసం ఎదురుచూడడం ప్రారంభించారు. వాళ్ళ ఎదురుచూపులను అర్ధం చేసుకొన్నట్లున్నారు దర్శకనిర్మాతలు అందుకే ఈవారం ఏకంగా విందు భోజనాలతో సిద్ధమైపోయారు. బెల్లంకొండ శ్రీనివాస్, పూజా హెగ్డే జంటగా శ్రీవాస్ దర్శకత్వంలో తెరకెక్కిన “సాక్ష్యం” చిత్రం ఈవారం బిగ్గెస్ట్ రిలీజ్. దాదాపు 40 కోట్ల భారీ బడ్జెట్ తో రూపొందిన ఈ చిత్రంపై మంచి అంచనాలే ఉన్నాయి. చాలా గ్యాప్ తర్వాత త్రిష నటిస్తున్న “మోహిని” అనే హారర్ కామెడీ కూడా ఈవారమే విడుదలవుతున్నప్పటికీ ఈ సినిమాకి మాత్రం పెద్దగా బజ్ లేదు. అలాగే.. చిన్న సినిమా అయినప్పటికీ ఒక సెక్షన్ ఆఫ్ ఆడియన్స్ ను ఆకట్టుకొన్న “పెదవి దాటని మాటొకటుంది”తోపాటు..

మెగా ఫ్యామిలీ నుంచి వచ్చిన ఏకైక హీరోయిన్ అయిన నిహారిక నటించిన “హ్యాపీ వెడ్డింగ్” శనివారం (జూలై 28) విడుదలవుతోంది. ఈ నాలుగు తెలుగు సినిమాలతోపాటు.. యాక్షన్ మూవీ లవర్స్ అందరూ ఎప్పట్నుంచో వెయిట్ చేస్తున్న “మిషన్ ఇంపాజబుల్: ఫాలౌట్” కూడా రేపు విడుదలవుతోంది, ఈ సినిమా ప్రీమియర్స్ ఇవాళ్టి నుంచే మొదలవ్వడం విశేషం. అలాగే.. ఇటీవలే “సంజు” సినిమాతో అందరి మెదళ్ళలోకి ఎక్కేసిన సంజయ్ దత్ నటించిన “సాహెబ్ బీవీ ఔర్ గ్యాంగ్ స్టర్ 3” కూడా రేపు విడుదలవుతోంది. ఈ సిరీస్ లో ఇదివరకు వచ్చిన రెండు పార్ట్శ్ మంచి సక్సెస్ సొంతం చేసుకోవడంతో ఈ మూడో భాగం మీద కూడా మంచి అంచనాలే ఉన్నాయి. సో, సరిగ్గా ప్లాన్ చేసుకొంటే ఈవారం మొత్తం సినిమా లవర్స్ కి మంచి టైమ్ పాస్ అన్నమాట.