డర్టీ డైరెక్టర్ తో మహేష్ బాబు సినిమా చేస్తాడా..?

మహేష్ బాబు కెరీర్ లో ‘ఒక్కడు’ సినిమా ఎంత పెద్ద సక్సెస్ అందుకుందో తెలిసిందే. ఈ సినిమాతో మహేష్ క్రేజ్ మరింత పెరిగిపోయింది. యూత్, మాస ఆడియన్స్ లో మహేష్ కి ఫాలోయింగ్ పెరగడానికి ఈ సినిమా ఎంతగానో దోహదపడింది. ఇలాంటి బ్లాక్ బస్టర్ అందించిన ఎమ్మెస్ రాజుతో మహేష్ ఇప్పటివరకు మరో సినిమా చేయలేదు. తన బ్యానర్ వేల్యూ పడిపోయిన తరువాత ఎమ్మెస్ రాజు కొంతకాలం పాటు సైలెంట్ గా ఉన్నాడు.

ప్రొడక్షన్ ఆపేసి సినిమాలకు దూరంగా ఎమ్మెస్ రాజు ఈ మధ్యే దర్శకుడిగా ‘డర్టీ హరి’ అనే బోల్డ్ సినిమాను రూపొందించారు. ఈ సినిమాకి ఆర్థికంగా మంచి రెస్పాన్స్ వచ్చింది. ఎమ్మెస్ రాజు గతంలో తీసిన సినిమాలతో పోలిస్తే కంటెంట్ పరంగా కూడా ఈ సినిమా ఆకట్టుకుంటుంది. దీంతో ఇదే ఊపులో ప్రొడక్షన్ లో బిజీ కావాలనుకుంటున్నాడు ఈ ప్రొడ్యూసర్. ఈ క్రమంలో తాను మహేష్ బాబుతో సినిమా చేసే ఛాన్స్ ఉందన్నట్లుగా ట్విట్టర్ లో సంకేతాలు ఇచ్చారు.

మహేష్ తో సినిమా ఉంటుందా..? అని ఓ నెటిజన్ ప్రశ్నించగా.. తప్పకుండా అని బదులిచ్చారు ఎమ్మెస్ రాజు. మహేష్ తో సినిమా అంటే ‘ఒక్కడు 2’ తీయండి.. గుణశేఖర్ నే దర్శకుడిగా పెట్టుకోండి అంటూ ఓ నెటిజన్ సలహా ఇవ్వగా.. ‘అంతేగా’ అని రిప్లై ఇచ్చారు. సినిమా ఎప్పుడు మొదలుపెడతారని మరో నెటిజన్ ప్రశ్నించగా.. నెల రోజుల్లో వివరాలు చెబుతానని ఎమ్మెస్ రాజు అన్నారు. నిజంగానే ‘ఒక్కడు’ కాంబినేషన్ రిలీజ్ అయితే టాలీవుడ్ అదొక సెన్సేషనల్ న్యూస్ అవుతుంది.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!