మహేష్ తో రాజమౌళి సినిమాకి ‘బాహుబలి’ సెంటిమెంట్…?

రాజమౌళి ప్రస్తుతం..ఎన్టీఆర్, చరణ్ లతో ‘ఆర్.ఆర్.ఆర్’ చిత్రాన్ని తెరకెక్కిస్తున్నాడు. ఇప్పటికే ఈ చిత్రం షూటింగ్ 70 శాతం పూర్తయ్యింది. లాక్ డౌన్ కారణంగా షూటింగ్ ఆగిపోయింది కానీ… లేకపోతే ఈ ఏడాది చివరికి ఫినిష్ అయిపోయేది.ఇక ఈ ప్రాజెక్ట్ పూర్తయిన వెంటనే మహేష్ బాబుతో సినిమా చేయబోతున్నట్టు రాజమౌళి ప్రకటించిన సంగతి తెలిసిందే. అయితే రాజమౌళి .. మహేష్ తో ఎలాంటి ప్రాజెక్ట్ సెట్ చేస్తాడు. జేమ్స్ బాండ్ తరహా ప్రాజెక్టా… లేక భారతంలో కృష్ణుడు లాంటి పాత్ర తరహా ప్రాజెక్టా అనేది తెలియాల్సి ఉంది.

ఇప్పుడు చాలా వరకూ ఈ ప్రాజెక్ట్ గురించే డిస్కషన్లు జరుగుతున్నాయి. ఇప్పుడు రాజమౌళి ఇంటర్నేషనల్ వైడ్ స్టార్ డైరెక్టర్. కాబట్టి అతనితో సినిమా చేస్తే మహేష్ కచ్చితంగా పెద్ద స్టార్ అయిపోవడం గ్యారెంటీ. కె.ఎల్. నారాయణ్ తన ‘దుర్గా ఆర్ట్స్’ బ్యానర్ పై ఈ ప్రాజెక్టుని నిర్మించనున్నాడు. 2021 జూలై లోనే ఈ ప్రాజెక్టుని అధికారికంగా ప్రకటించడానికి ప్లానింగ్ జరుగుతోందట. రాజమౌళి కి జూలై నెల బాగా సెంటిమెంట్. ‘బాహుబలి’ వంటి బడా ప్రాజెక్ట్ ని జూలై నెలలోనే ప్రారంభించాడు రాజమౌళి.

అంతే కాదు ‘మగధీర’ ‘సింహాద్రి’ ‘విక్రమార్కుడు’ వంటి సినిమాలు కూడా జూలై నెలలో విడుదలయ్యి బ్లాక్ బస్టర్లు అయినవే..! అందుకే 2021 లో మహేష్ -రాజమౌళి ల ప్రాజెక్ట్ కు సంబంధించిన ఆనౌన్మెంట్ రానుందని ఇన్సైడ్ టాక్. అలా అని అప్పటికి ‘ఆర్.ఆర్.ఆర్’ ఫినిష్ అయిపోతుందని కూడా కచ్చితంగా చెప్పలేము. కానీ మహేష్ సినిమా అనౌన్స్మెంట్ మాత్రం అప్పుడు వచ్చేస్తుంది అని తెలుస్తుంది.

Most Recommended Video

బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!