బుల్లితెర కామెడీ షోలలో ఒకటైన జబర్దస్త్ షో ద్వారా పాపులారిటీని సంపాదించుకున్న కమెడియన్లలో అవినాష్ ఒకరు. అభిమానులు అవినాష్ ను ప్రేమగా ముక్కు అవినాష్ అని పిలుచుకుంటారు. జబర్దస్త్ నిర్వాహకులకు 10 లక్షల రూపాయలు చెల్లించి అగ్రిమెంట్ బ్రేక్ చేసుకుని బిగ్ బాస్ సీజన్ 4లో పాల్గొన్న అవినాష్ ప్రేక్షకులకు బిగ్ బాస్ ద్వారా ఎంటర్టైన్మెంట్ ను అందించారు. ప్రస్తుతం అవినాష్ కామెడీ స్టార్స్ షోతో బిజీగా ఉన్నారు.
కామెడీ స్టార్స్ షోతో పాటు అవినాష్ స్టార్ మా ఛానెల్ లో ప్రసారమవుతున్న ఈవెంట్లలో సందడి చేస్తున్నారు. అయితే తాజాగా అవినాష్ ఎంగేజ్‌మెంట్ పూర్తి చేసుకున్నారు. లైఫ్ లో రైట్ పర్సన్ వచ్చిన సమయంలో వెయిట్ చేయకూడదని మా ఫ్యామిలీలు కలిశాయి మేం కూడా కలిశామంటూ అవినాష్ చెప్పుకొచ్చారు. అభిమానులు పెళ్లి గురించి అడుగుతున్నారని త్వరలోనే అనూజతో తన పెళ్లి జరగబోతుందని అవినాష్ వెల్లడించారు.
తనకు కాబోయే శ్రీమతి ఫోటోలను సైతం అవినాష్ షేర్ చేయగా ఆ ఫోటోలు నెట్టింట వైరల్ అవుతున్నాయి. అవినాష్ పెళ్లి చేసుకోబోయే అమ్మాయి అవినాష్ కుటుంబానికి చాలా కాలం నుంచి పరిచయం ఉన్న కుటుంబానికి చెందిన అమ్మాయి అని సమాచారం. అవినాష్ అరియానా మధ్య ఏదో ఉందని గతంలో వార్తలు వైరల్ కాగా అవినాష్ కు పెళ్లి ఫిక్స్ కావడంతో ఆ వార్తలు ఆగిపోతాయేమో చూడాల్సి ఉంది. అవినాష్ కు జబర్దస్త్ కమెడియన్లు సోషల్ మీడియా వేదికగా శుభాకాంక్షలు చెబుతున్నారు.
1
2
3
4
5
6
7
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
