Ram Charan, Shankar: శంకర్ చరణ్ మూవీ మ్యూజిక్ డైరెక్టర్ ఇతనేనా..?

June 22, 2021 / 08:27 AM ISTByFilmy Focus

Join Us

Ram Charan, Shankar: శంకర్ చరణ్ మూవీ మ్యూజిక్ డైరెక్టర్ ఇతనేనా..?

టాలీవుడ్ స్టార్ హీరోలు రామ్ చరణ్, ఎన్టీఆర్ మంచి స్నేహితులనే సంగతి తెలిసిందే. ప్రస్తుతం రాజమౌళి డైరెక్షన్ లో అత్యంత భారీ బడ్జెట్ తో తెరకెక్కుతున్న ఆర్ఆర్ఆర్ సినిమాలో ఎన్టీఆర్, చరణ్ నటిస్తున్నారు. ఎన్టీఆర్ తరువాత సినిమా కొరటాల శివ డైరెక్షన్ లో తెరకెక్కనుండగా శంకర్ తరువాత సినిమాలో రామ్ చరణ్ హీరోగా నటించనున్నారు. కొరటాల శివ ఎన్టీఆర్ సినిమాకు అనిరుధ్ మ్యూజిక్ డైరెక్టర్ గా ఫిక్స్ అయినట్టు జోరుగా ప్రచారం జరుగుతున్న సంగతి తెలిసిందే.

కొలవరీ డీ పాటతో దేశవ్యాప్తంగా గుర్తింపును సంపాదించుకున్న అనిరుధ్ త్రివిక్రమ్ పవన్ కాంబోలో వచ్చిన అజ్ఞాతవాసి సినిమాకు మ్యూజిక్ డైరెక్టర్ గా పని చేశారు. అయితే ఆ సినిమా సక్సెస్ సాధించకపోవడంతో తెలుగులో అనిరుధ్ కు పెద్ద హీరోల సినిమాలకు ఆఫర్లు రాలేదు. కొరటాల ఎన్టీఆర్ కాంబో మూవీతో అనిరుధ్ భారీ ఆఫర్ ను అందిపుచ్చుకోవడంతో పాటు ఈ సినిమాతో సక్సెస్ సాధించాలని భావిస్తున్నట్టు తెలుస్తోంది. కొరటాల శివ ఎన్టీఆర్ సినిమాకు అనిరుధ్ మ్యూజిక్ డైరెక్టర్ అని ప్రచారం జరుగుతున్నా అధికారిక ప్రకటన మాత్రం రాలేదు.

అయితే చరణ్ శంకర్ కాంబో మూవీకి సైతం అనిరుధ్ సంగీతం అందించే అవకాశాలు ఉన్నాయని తెలుస్తోంది. మొదట ఈ సినిమాకు ఏఆర్ రెహమాన్ పేరు వినిపించినా అనిరుధ్ ఫైనల్ అయ్యే అవకాశాలు ఎక్కువగా ఉన్నాయని తెలుస్తోంది. మ్యూజిక్ డైరెక్టర్ విషయంలో ఎన్టీఆర్ బాటలో నడుస్తున్న చరణ్ శంకర్ సినిమాతో ఎలాంటి రిజల్ట్ ను అందుకుంటారో చూడాల్సి ఉంది.