Pawan Kalyan: పవన్ అప్పట్లో అలా ఉండేవారా?

టాలీవుడ్ స్టార్ హీరో పవన్ కళ్యాణ్ అక్కడ అమ్మాయి ఇక్కడ అబ్బాయి సినిమాతో నటుడిగా కెరీర్ ను మొదలుపెట్టిన సంగతి తెలిసిందే. ఈ సినిమా తర్వాత పవన్ కళ్యాణ్ ముత్యాల సుబ్బయ్య డైరెక్షన్ లో గోకులంలో సీత సినిమాలో నటించారు. బాక్సాఫీస్ వద్ద ఈ సినిమా హిట్ రిజల్ట్ ను సొంతం చేసుకుంది. ఈ సినిమా గురించి తాజాగా ముత్యాల సుబ్బయ్య ఆసక్తికర విషయాలను వెల్లడించారు. తమిళంలో హిట్ అయిన గోకులత్తిల్‌ సీతై హక్కులను జీవీఎస్ రాజు అనే నిర్మాత కొన్నారని పాయింట్ బాగానే ఉన్నా ఆ సినిమా కథలో చాలా లోపాలు ఉన్నాయని ముత్యాల సుబ్బయ్య చెప్పారు.

జీవీకే రాజు దగ్గర పవన్ డేట్లు ఉండటంతో తనను చిరంజీవి దగ్గరకు తీసుకెళ్లగా తెలుగు నేటివిటీకి అనుగుణంగా గోకులత్తిల్‌ సీతై కథలో మార్పులు చేయాలని ముఖ్యంగా సెకండాఫ్ మార్చాలని చెప్పగా బెటర్ మెంట్ కోసం ఏ మార్పులు చేస్తారో మీ ఇష్టమని చిరంజీవి చెప్పారని ముత్యాల సుబ్బయ్య తెలిపారు. పవన్ కళ్యాణ్ అప్పట్లో బిడియస్తుడు అని కొత్త విషయాలు నేర్చుకోవాలనే ఆసక్తి ఎక్కువగా ఉండేదని ముత్యాల సుబ్బయ్య చెప్పుకొచ్చారు.

పవన్ కళ్యాణ్ తక్కువగా మాట్లాడేవారని తాను ఎలా చెబితే నటించాడని సినిమా హక్కులు సైతం మంచి రేట్లకు అమ్ముడయ్యాయని ముత్యాల సుబ్బయ్య చెప్పారు. అయితే నిర్మాత హక్కులు అమ్మిన తర్వాత పబ్లిసిటీ సరిగ్గా చేయకపోవడంతో పబ్లిసిటీ బాగా చేయమని నిర్మాతను అడగాలని పవన్ కు సూచించానని ముత్యాల సుబ్బయ్య అన్నారు. అయితే పవన్ మొహమాటస్తుడు అని అందువల్లే నిర్మాతకు చెప్పలేకపోయాడని ముత్యాల సుబ్బయ్య వెల్లడించారు.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!