ప్రభాస్ తో సినిమా.. మైత్రి ప్లాన్ ఇదే!

మైత్రి మూవీ మేకర్స్ నిర్మాణ సంస్థ టాలీవుడ్ లో నెంబర్ వన్ ప్రొడక్షన్ హౌస్ గా దూసుకుపోతుంది. ప్రస్తుతం ఈ సంస్థ అల్లు అర్జున్, మహేష్ బాబు లతో సినిమాలు చేస్తోంది. అలానే పవన్ కళ్యాణ్, చిరంజీవి, బాలకృష్ణ లాంటి హీరోలతో త్వరలోనే సినిమాలను నిర్మించనుంది. ఈ హీరోలతో పాటు ఎన్టీఆర్, విజయ్ దేవరకొండలతో కమిట్మెంట్స్ ఉన్నాయి. ఇలా టాలీవుడ్ లో క్రేజీ హీరోలందరితో సినిమాలు తీస్తున్న ఈ సంస్థకి ప్రభాస్ సినిమా మాత్రం సెట్ కావడం లేదు.

ప్రభాస్ తో సినిమా చేయాలని రెండేళ్లుగా ప్రయత్నిస్తోంది మైత్రి సంస్థ. ‘కేజీఎఫ్’ డైరెక్టర్ తో సినిమాని ఫిక్స్ చేయాలని చాలా ప్రయత్నించారు కానీ ఆ సినిమా కన్నడ ప్రొడ్యూసర్లకు దక్కింది. అయితే సరైన దర్శకుడు, కథ సెట్ అయితే సినిమా తీస్తానని ప్రభాస్ మైత్రి నిర్మాతలకు మాటిచ్చాడు. అడ్వాన్స్ కూడా తీసుకున్నాడు. ఇప్పుడు మైత్రి సంస్థ ప్రభాస్ కి డైరెక్టర్ ని సెట్ చేసే పనిలో పడింది. ఈ క్రమంలో బాలీవుడ్ దర్శకుడు సిద్ధార్థ్ ఆనంద్ ని రంగంలోకి దింపనుంది.

ప్రస్తుతం ఈ డైరెక్టర్ షారుఖ్ ఖాన్ హీరోగా ‘పఠాన్’ సినిమా తీస్తున్నాడు. ఆ తరువాత హృతిక్ రోషన్ తో మరో సినిమా కమిట్ అయ్యాడు. ఈ రెండు పూర్తయ్యాక ప్రభాస్ తో సినిమా చేసే ఛాన్స్ ఉందని అంటున్నారు. ప్రభాస్ చేతిలో కూడా ఉన్న ప్రాజెక్ట్స్ పూర్తి కావడానికి వచ్చే ఏడాది వరకు సమయం పడుతుంది. కాబట్టి మైత్రి సంస్థలో ప్రభాస్ సినిమా 2023లో మొదలయ్యే ఛాన్స్ ఉందని అంటున్నారు.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!