ఇప్పుడు ‘ఆర్.ఆర్.ఆర్’ పై పడ్డాడు…!

April 14, 2020 / 03:47 PM ISTByFilmy Focus

Join Us

నాగ బాబు ఈ మధ్యన తనను తాను ప్రమోట్ చేసుకోవడానికి చాలా కష్టపడుతున్నాడు. మొన్నామధ్య నందమూరి బాలకృష్ణ పై సెటైర్ లు వేస్తూ ‘బాలయ్య ఎవ్వరో నాకు తెలీదు’ అని చెప్పాడు. దానికి లెక్చర్ ఇస్తూ ఓ 5 వీడియోల వరకూ విడుదల చేసాడు. ఇక తరువాత తాను ‘జబర్దస్త్’ జడ్జ్ ఎందుకు తప్పుకుంటున్నాడో అనే విషయాన్ని తెలుపుతూ…మరికొన్ని వీడియోలు చేసి తన యూట్యూబ్ ఛానల్ లో పెట్టాడు. అంతే కాదు.. రాజకీయాల పరంగా కొందరి పై సెటైర్లు వేస్తూ కూడా వీడియోలు చేసి పెట్టాడు.

గత ఎన్నికల్లో ‘జనసేన’ పార్టీ తరుపున పోటీ చేసి ఓటమి పాలయ్యాడు. ఇక బుల్లితెర పై షోలు చేస్తూ హడావిడి చేస్తున్న సంగతి తెలిసిందే. తాజాగా ఈయన ‘ఆర్.ఆర్.ఆర్’ గురించి ఓ వీడియో చేసి తన యూట్యూబ్ ఛానల్ లో అప్లోడ్ చేసాడు. నాగ బాబు మాట్లాడుతూ..’చరణ్ బాబు పుట్టిన రోజున విడుదల చేసిన ‘భీమ్ ఫర్ రామరాజు’ వీడియోని చూసాను. చాలా బాగుంది. ఈ వీడియో చూస్తున్నప్పుడు … రామరాజు వాయిస్ లో భీమ్ ఎలా ఉంటాడా అన్న ఆసక్తి మొదలైంది.

Fans war over RRR Movie1

కచ్చితంగా ఈ సినిమా పెద్ద హిట్ అవుతుంది. రాజమౌళి ఈ చిత్రంతో మన తెలుగు సినిమా స్థాయిని మరింత పెంచుతారు అనే నమ్మకం నాకు ఉంది. అల్లూరి , కొమరం భీమ్ లు ఆంధ్ర, తెలంగాణ లోని మన్యం మరియు బడుగు బలహీన వర్గాల ప్రజల సంక్షేమం కోసం పోరాడిన వారు. ఇద్దరూ కలిసి ఉంటే ఎలా ఉంటుంది అనే పాయింట్ తో ఈ సినిమా తెరకెక్కింది అని విన్నాను” అంటూ చెప్పుకొచ్చారు.