“భలే భలే మొగాడివోయ్” లాంటి బ్లాక్ బస్టర్ హిట్ తరువాతే స్టార్ డైరెక్టర్స్ లిస్ట్ లో చేరాల్సిన మారుతి.. తదుపరి చిత్రం “బాబు బంగారం” బాస్కాఫీసు వద్ద చేతులెత్తేయడంతో వెనుకబడ్డాడు. మళ్ళీ తన స్టామినాను ప్రూవ్ చేసుకోవడం కోసం “మహానుభావుడు” అంటూ ప్రేక్షకుల ముందుకు వచ్చేందుకు సన్నద్ధమవుతున్నాడు. టీజర్ తోనే ప్రేక్షకుల్ని విశేషంగా ఆకట్టుకొన్న “మహానుభావుడు” అనంతరం ఒక క్రేజీ ప్రొజెక్ట్ ను డైరెక్ట్ చేసేందుకు సన్నద్ధమవుతున్నట్లు సమాచారం.
“ఏం మాయ చేసావే, మనం, ఆటోనగర్ సూర్య” తర్వాత క్యూట్ కపుల్ నాగచైతన్య-సమంత కలిసి ఒక చిత్రంలో నటించేందుకు సన్నద్ధమవుతున్నారు. పెళ్లి అనంతరం సినిమాలకు స్వస్తి పలకబోయేది లేదని స్పష్టం చేసిన సమంత.. తన భర్త నాగచైతన్యతోనే సెకండ్ ఇన్నింగ్స్ ను మొదలుపెట్టనుంది. ఈ క్రేజీ ప్రొజెక్ట్ కు మారుతి దర్శకత్వం వహించనున్నారని సమాచారం. ఈ ప్రొజెక్ట్ అనుకొన్న ప్రకారం పట్టాలెక్కితే మారుతి రేంజ్ అమాంతం పెరిగిపోవడం ఖాయం.
Also, do SUBSCRIBE to our YouTube channel to get latest Tollywood updates.
