సెలబ్రిటీలు అయితే ఏంటి తగ్గేదే లె అన్నట్టు దూసుకుపోతున్నారు హైదరాబాద్ ట్రాఫిక్ పోలీసులు. ట్రాఫిక్ రూల్స్ కు విరుద్ధంగా ఎవ్వరు నడుచుకున్నా వారు ఉపేక్షించడం లేదు. ఈ మధ్యనే వాళ్ళు అల్లు అర్జున్, ఎన్టీఆర్, కళ్యాణ్ రామ్, మంచు మనోజ్, త్రివిక్రమ్.. వంటి స్టార్ల కార్లు పై వాళ్ళు దాడి చేసిన సంగతి తెలిసిందే. రోడ్డు పైనే కార్లు ఆపి.. వాళ్ళ కార్లలో తనిఖీలు నిర్వహించారు. ఇప్పుడు ఈ లిస్ట్ లో నాగ చైతన్య కూడా చేరాడు.
హైదరాబాద్ లోని జూబ్లీహిల్స్ చెక్ పోస్ట్ వద్ద నాగ చైతన్య కారుని ఆపిన ట్రాఫిక్ పోలీసులు అతని కారులో సోదాలు నిర్వహించారు. అంతేకాదు అతని కారుకి ఉన్న బ్లాక్ ఫిలింను తొలగించి.. రూ.700 జరిమానా కూడా విధించారు. ఈ కారులో నాగ చైతన్య కూడా ఉన్నారు. వై కేటగిరి భద్రత ఉన్న వ్యక్తులు మాత్రమే వీటిని ఉపయోగించేందుకు అర్హులు.మిగతా వారు ఉపయోగించకూడదని సుప్రీంకోర్టు ఆదేశించిన సంగతి తెలిసిందే.
ఈ విషయంలో పోలీసులు చాలా స్ట్రిక్ట్ గా వ్యవహరిస్తున్నారు. ఇలాంటి కార్లు ఎక్కడ కనిపించినా వారు ఆలోచించకుండా సోదాలు నిర్వహిస్తున్నారు. ఇక సినిమాల విషయానికి వస్తే.. నాగ చైతన్య నటించిన ‘థాంక్యూ’ మూవీ విడుదలకి సిద్ధంగా ఉంది. మరో పక్క అతని బాలీవుడ్ స్ట్రైట్ మూవీ ‘లాల్ సింగ్ చద్దా’ ఆగష్ట్ లో విడుదల కాబోతుంది. మరోపక్క అతను తమిళ స్టార్ దర్శకుడు వెంకట్ ప్రభు దర్శకత్వంలో బైలింగ్యువల్ మూవీ కూడా చేయబోతున్నట్టు ప్రకటించాడు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home