టాలీవుడ్ యంగ్ హీరో నిఖిల్ తాజాగా నటించిన చిత్రం స్పై. స్వాతంత్ర సమరయోధుడు నేతాజీ సుభాష్ చంద్రబోస్ మరణం వెనుక ఉన్న మిస్టరీ ఆధారంగా ఈ చిత్రాన్ని తెరకెక్కించారు. ఇందులో నిఖిల్ సరసన ఐశ్వర్య మీనన్, సానియా కథానాయకులుగా నటించారు. ఈ సినిమా ఈనెల 29వ తేదీ విడుదలకు సిద్ధమవుతోంది. ఈ క్రమంలోనే మంగళవారం సాయంత్రం హైదరాబాదులో ఈ సినిమా ప్రీ రిలీజ్ వేడుకను ఎంతో ఘనంగా నిర్వహించారు. ఇక ఈ వేడుకకు అక్కినేని నాగచైతన్య ముఖ్య అతిథిగా హాజరయ్యారు.
ఈ కార్యక్రమంలో భాగంగా నాగచైతన్య నిఖిల్ గురించి మాట్లాడుతూ ఆయనపై పెద్ద ఎత్తున ప్రశంసల వర్షం కురిపించారు ఈ సందర్భంగా నాగచైతన్య మాట్లాడుతూ.. నిఖిల్ హీరోగా అంటే తనకు చాలా ఇష్టమని తెలియజేశారు. నిఖిల్ సినీ కెరియర్ ఇన్స్పైరింగ్ జర్నీ అంటూ ప్రశంసలు కురిపించారు. హ్యాపీడేస్‌ చిత్రంలో బాయ్‌నెక్ట్స్ డోర్‌ క్యారెక్టర్‌ చేసి, ఆ తర్వాత స్వామిరారా, కార్తికేయ చిత్రాలతో సూపర్‌ హిట్లు అందుకున్నారు. ట్రెండ్‌ సెట్‌ చేశాడు.
కార్తికేయ 2తో బ్లాక్ బస్టర్ హిట్‌ అందుకున్నారు. ఇండియా వైడ్‌గా షేక్‌ చేశాడు. అతనిది ఇన్స్పైరింగ్ జర్నీ. అందుకు నిఖిల్‌కి అభినందనలు తెలియజేస్తున్నాను. స్పై లాంటి ఒక థ్రిల్లర్ జోనర్ సినిమాలు చేయాలి అంటే మామూలు విషయం కాదని ఈయన తెలియజేశారు. నిఖిల్ నటించిన కార్తికేయ 2సినిమా పాన్ ఇండియా స్థాయిలో ఎలా అయితే ఆదరణ పొందేందో ఈ స్పై సినిమా కూడా అదే స్థాయిలో సక్సెస్ సాధించాలని ఈయన కోరుకున్నారు.
అలాగే ఈ సినిమా కోసం పనిచేస్తున్న ప్రతి ఒక్కరికి ఆల్ ద బెస్ట్ తెలియజేసారు. ఇలా స్పై సినిమా ప్రీ రిలీజ్ వేడుకలో నాగ చైతన్య నిఖిల్ గురించి చేసిన ఈ కామెంట్ సోషల్ మీడియాలో వైరల్ అవుతున్నాయి.
అశ్విన్స్ సినిమా రివ్యూ & రేటింగ్!
ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!
