ఓ కొత్త జోనర్ లో చైతు!

ప్రస్తుతం‘సాహసం శ్వాసగా సాగిపో’, ‘ప్రేమమ్‌’చిత్రాల్లో నటిస్తున్నాడు నాగచైతన్య. ఈ సినిమాల తర్వాత కల్యాణ్‌కృష్ణ దర్శకత్వంలో ఓ చిత్రం చర్చల్లో వుంది. అయితే ఈలోగా మరో రీమేక్ పై చైతు మనసు పడింది. తమిళంలో ఇటీవలే ప్రేక్షకుల ముందుకొచ్చి విజయాన్ని సొంతం చేసుకొంది.. ‘మెట్రో’. క్రైమ్ థ్రిల్లర్ నేపథ్యంలో సాగే ఆ చిత్రం ప్రేక్షకులను ఆకట్టుకుంది. ఆ సినిమా నాగచైతన్యకి బాగా నచ్చిందట.

ఇప్పుడీ సినిమాని రీమేక్‌ చేయాలని భావిస్తున్నాడట. ఈ చిత్రాన్ని తెరకెక్కించిన ఆనంద్‌ కృష్ణతో ప్రస్తుతం చైతూ సంప్రదింపులు జరుపుతున్నట్లు సమాచారం. ఇది ఓకే అయితే చైతూకి ఇది మూడో రీమేక్ అవుతుంది. ‘తడాఖా’, ‘ప్రేమమ్’  రీమేక్ చిత్రాలే. నిజానికి ఈ సినిమా తమిళ ఆడియన్స్ ను దృష్టిలో పెట్టుకొని చేసింది. అక్కడ ఉన్న ప్రస్తుతం సమస్యలు చైన్ స్నాచింగ్ నేపథ్యంలో కథ ఉంది. మరి ఆ సినిమా తెలుగు వారికి ఎంతవరకు కనెక్ట్ అవుతుందో.. చూడాలి..!