నాగ చైతన్య ప్రస్తుతం విక్టరీ వెంకటేష్ తో ‘వెంకీమామ’ చిత్రంలో నటిస్తున్నాడు. ఈ చిత్రం షూటింగ్ 70 శాతం పూర్తయిందని తెలుస్తుంది. బాబీ డైరెక్షన్లో తెరకెక్కుతున్న ఈ చిత్రం దసరా కానుకగా విడుదల చేయడానికి చిత్ర యూనిట్ ప్లాన్ చేస్తుంది. ఇక ఈ చిత్రం పూర్తయిన తరువాత శేఖర్ కమ్ముల డైరెక్షన్లో ఓ సినిమా చేయబోతున్నాడు. ఈమధ్యే పూజా కార్యక్రమాలను జరుపుకున్న ఈ చిత్రం త్వరలోనే సెట్స్ పైకి వెళ్ళనుంది. సాయిపల్లవి ఈ చిత్రంలో హీరోయిన్ గా నటిస్తుంది.
ఇదిలా ఉండగా దిల్ రాజు నిర్మాణంలో చైతూ ఓ చిత్రం చేయాల్సి ఉంది. దీనికి సంబంధించి ప్రచారం కూడా ఓ రేంజ్లో జరిగింది. ఈ చిత్రంతో ‘శశి’ అనే యంగ్ డైరెక్టర్ పరిచయం కాబోతున్నాడు. అయితే ‘శశి’ వినిపించిన కథ నచ్చినప్పటికీ… కొన్ని మార్పులు చెప్పాడట చైతూ. శశి మార్పులు చేసి మళ్ళీ వినిపించినప్పటికీ చైతు సంతృప్తి చెందలేదట. దీంతో మరో కథ తీసుకురమ్మని చెప్పాడట. ఈ కారణంతో వీరి కాంబినేషన్ సెట్ అవ్వకపోవచ్చని టాక్ నడుస్తుంది. దిల్ రాజు నిర్మాణంలోనే ‘జోష్’ చిత్రంతో హీరోగా ఎంట్రీ ఇచ్చాడు చైతూ. అయితే ఆ చిత్రం ప్లాప్ అయ్యింది. దిల్ రాజు మీద ఉన్న నమ్మకంతో కొత్త దర్శకుడైనా పర్లేదని గుడ్డిగా సినిమా చేసి మొదటి చిత్రంతోనే ప్లాప్ అందుకున్నాడు చైతూ. ఇప్పుడు కూడా దిల్ రాజు నిర్మాత అయినప్పటికీ కొత్త దర్శకుడితో మరోసారి ఆ ప్లాప్ సెంటిమెంట్ ను రిపీట్ చేసే ఉద్దేశం లేదని.. చైతూ భావిస్తున్నాడట. అసలే ఈ మథ్య చాలా ప్లాపుల తరువాత ‘మజిలీ’ చిత్రంతో కోలుకున్నాడు. అందుకే రిస్క్ చేయడానికి చైతూ సాహసించడం లేదు.
