మరో రికార్డు కొల్లగొట్టిన నాగ చైతన్య ‘లవ్ స్టోరీ’..!

నాగ చైతన్య, సాయి పల్లవి జంటగా నటిస్తున్న తాజా చిత్రం ‘లవ్ స్టోరి’. శేఖర్ కమ్ముల డైరెక్షన్లో తెరకెక్కుతోన్న ఈ చిత్రం ఏప్రిల్ 16న ప్రేక్షకుల ముందుకు రాబోతుంది. ఈ చిత్రం నుండీ ఇప్పటికే విడుదల చేసిన ఫస్ట్ లుక్ మరియు పాటలకు అద్భుతమైన స్పందన లభించింది. ఇక టీజర్ విడుదలయ్యాక ఆ అంచనాలు ఆకాశాన్ని అంటాయి. దీంతో ఈ చిత్రానికి థియేట్రికల్ బిజినెస్ ఓ రేంజ్లో జరుగుతోంది. నిజానికి గతేడాదే విడుదల కావాల్సిన ఈ చిత్రం కరోనా కారణంగా ఆగిపోయింది.

తరువాత ఓటిటి నుండీ భారీ ఆఫర్లు వచ్చినప్పటికీ నిర్మాతలు కంగారు పడలేదు. ఈ చిత్రాన్ని థియేటర్లలోనే విడుదల చెయ్యాలని నమ్మకంతో ఎదురుచూస్తూ వస్తున్నారు. వారు అలా వెయిట్ చెయ్యడమే చాలా ప్లస్ అయ్యిందని చెప్పాలి. తాజా సమాచారం ప్రకారం.. ‘లవ్ స్టోరీ’ చిత్రానికి తెలుగు రాష్ట్రాల థియేట్రికల్ బిజినెసే రూ.30కోట్లు పలుకుతుందట. ఓ మీడియం రేంజ్ బడ్జెట్ సినిమాకి ఇది చాలా భీభత్సమైన బిజినెస్ అని చెప్పాలి. అంతేకాదు ఇప్పటి వరకూ మీడియం రేంజ్ హీరోల సినిమాలకు ఈ స్థాయిలో బిజినెస్ జరిగింది లేదు.

నాగ చైతన్య పేరు పైనే ఆ రికార్డు క్రియేట్ అయ్యింది. అయితే ఓవర్సీస్ బిజినెస్ ఇంకా పూర్తవ్వలేదట. అక్కడి జనాలు ఇంకా థియేటర్లకు రావడానికి భయపడిపోతున్నారు.అయినప్పటికీ ‘లవ్ స్టోరీ’ చిత్రం తెలుగు సినిమా ఓవర్సీస్ మార్కెట్ కు పూర్వ వైభవం తీసుకొస్తుందని చిత్ర యూనిట్ సభ్యులు ధీమా వ్యక్తం చేస్తున్నారు.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!