టాలీవుడ్ లో ఉన్న మిడ్ రేంజ్ హీరోల్లో నాగశౌర్య ఒకరు. కెరీర్ ఆరంభంలో మంచి హిట్స్ అందుకున్న ఈ హీరో.. ఇప్పుడు సక్సెస్ కోసం పరితపిస్తున్న. ‘ఛలో’ లాంటి సినిమా తరువాత శౌర్య కెరీర్ దూసుకుపోతుందనుకుంటే.. ఆ స్థాయి హిట్ పడక ఇబ్బంది పడుతున్నారు. ‘ఛలో’ తరువాత శౌర్య చేసిన ‘కణం’, ‘అమ్మమ్మగారిల్లు’, ‘నర్తనశాల’ ఇలా ఏ సినిమా కూడా వర్కవుట్ కాలేదు. మధ్యలో ‘ఓ బేబీ’ హిట్ అయినా.. ఆ క్రెడిట్ శౌర్యకి రాలేదు.
ఫ్యామిలీ ఆడియన్స్ ను టార్గెట్ చేసుకొని చేసిన ‘వరుడు కావలెను’ సినిమా ఏవరేజ్ గా ఆడింది. ‘లక్ష్య’ సినిమా కోసం బాడీ ట్రాన్స్ఫర్మేషన్ చేసుకొని ఎంత కష్టపడినా.. రిజల్ట్ మాత్రం ఆశించిన స్థాయిలో రాలేదు. ఈ సినిమాల ప్లాప్ దెబ్బకి ఎప్పుడో షూటింగ్ పూర్తి చేసిన ‘కృష్ణ వ్రింద విహారి’ పలు సార్లు వాయిదా పడుతూ.. ఫైనల్ గా ఈ నెల 23న విడుదల కానుంది. రీసెంట్ గా విడుదలైన ఈ సినిమా ట్రైలర్ ప్రేక్షకులను ఆకట్టుకుంటుంది.
ఇందులో నాగశౌర్య సంప్రదాయాలకు విలువిచ్చి.. పాటించే బ్రాహ్మణ యువకుడిగా కనిపించారు. ఇలాంటి క్యారెక్టర్ ని మొన్నామధ్య ‘అంటే సుందరానికి’ సినిమాలో నాని పోషించారు. క్యారెక్టరైజేషన్ లో కొన్ని పోలికలు కనిపిస్తున్నాయి. నాని ఆ పాత్రను ఎంత బాగా పోషించినా.. సినిమాకి మాత్రం ఆశించిన స్థాయిలో రిజల్ట్ రాలేదు. కానీ శౌర్య సినిమాలో ఎంటర్టైన్మెంట్ కాస్త గట్టిగానే ఉందనిపిస్తుంది.
ట్రైలర్ మాదిరి సినిమా కూడా ఉంటే ఈసారి శౌర్య హిట్టు కొట్టడం గ్యారెంటీ. ఈ సినిమా ప్రమోషన్స్ కూడా డిఫరెంట్ గా ప్లాన్ చేశారు. కాలేజీ టూర్ లు అలానే పాదయాత్ర చేయబోతున్నారు. తిరుపతి నుంచి విశాఖ వరకు ఈ యాత్ర సాగుతుంది. వాహనాల్లో ఊళ్లోకి రాగానే కిందకు దిగి పాదయాత్ర ప్రారంభిస్తారు. కాలేజీ లేదా ఏదో ఒక వెన్యూ వరకు జనాలతో ఇంట్రాక్ట్ అవుతూ ఈ పాదయాత్ర నిర్వహిస్తారు. మరి దీనికి పర్మిషన్లు దొరుకుతాయో లేదో చూడాలి!
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
