Naga Babu: ‘ఆ బ్లడ్ వేరు.. ఆ బ్రాండ్ వేరు’.. బాలయ్యపై నాగబాబు సెటైర్!

మెగాబ్రదర్ నాగబాబు గతంలో చాలా సార్లు హీరో బాలకృష్ణపై మండిపడ్డారు. అసలు బాలయ్య ఎవరో తనకు తెలియదని.. వ్యక్తిగతంగా టార్గెట్ చేస్తూ వరుస వీడియోలు విడుదల చేశారు. లాక్ డౌన్ సమయంలో షూటింగ్ లు జరపడం కోసం చిరంజీవి రెండు రాష్ట్రాల ముఖ్యమంత్రులతో మీటింగ్ నిర్వహించారు. దానికి బాలయ్యని ఆహ్వానించకపోవడంతో ఆయన ఫైర్ అయ్యారు. భూములు పంచుకోవడం కోసం ఈ చర్చలు జరుపుతున్నారంటూ బాలయ్య వివాదాస్పద వ్యాఖ్యలు చేయడంతో నాగబాబు సీరియస్ గా రియాక్ట్ అయ్యారు. నోరు అదుపులో పెట్టుకొని మాట్లాడాలంటూ వార్నింగ్ కూడా ఇచ్చారు.

తాజాగా మరోసారి బాలయ్యని కెలికారు నాగబాబు. ఇన్స్టాగ్రామ్ లో తన అభిమానులతో ముచ్చటించిన నాగబాబు.. వారు అడిగే ప్రశ్నలకు సమాధానాలు చెప్పారు. పర్సనల్ విషయాలతో పాటు కొన్ని సిల్లీ క్వశ్చన్స్ కి కూడా బదులిచ్చారు. ఓ నెటిజన్ ‘మంచి కిక్ ఇచ్చే బ్రాండ్ పేరు చెప్పండి మాస్టారూ’ అని అడగగా.. దానికి నాగబాబు మేన్షన్ హౌస్ బ్రాందీ బాటిల్ ఫోటోని షేర్ చేస్తూ.. ‘ఆ బ్లడ్ వేరు.. ఆ బ్రాండ్ వేరు..’ అంటూ బాలయ్యని ఉద్దేశిస్తూ కామెంట్ చేశారు.

నందమూరి బాలకృష్ణ తాగే బ్రాండ్.. మేన్షన్ హౌస్ అని అందరికీ తెలుసు. చాలా సందర్భాల్లో ఈ విషయాన్ని బాలయ్యే స్వయంగా చెప్పారు. ఇక తన వంశం గురించి, బ్లడ్ గురించి బాలయ్య తరచూ మాట్లాడుతూ ఉంటారు. నాగబాబు.. బాలయ్య బ్రాండ్ ని షేర్ చేయడమే కాకుండా.. బ్లడ్ గురించి మాట్లాడడంతో పరోక్షంగా బాలయ్యని టార్గెట్ చేశారనే విషయం అర్ధమవుతోంది.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!