Nagababu: మరో కామెడీషోకి జడ్జిగా వచ్చిన మెగా బ్రదర్‌!

ఒకప్పుడు ‘జబర్దస్త్‌’ అంటే ముందుగా గుర్తొచ్చే పేర్లలో ఒకటి నాగబాబు. షోకు ఆయన నవ్వు పెద్ద అసెట్‌గా నిలిచేది. అయితే ఏమైందో ఏమో కానీ… ఆయన ఉన్నట్లుండి షో నుండి తప్పుకున్నాడు. దాని గురించి చెబుతూ కొన్ని వీడియోలు చేశారు కానీ… ఎక్కడా ఎందుకు తప్పుకున్నది స్పష్టంగా చెప్పలేదు. అయితే ఆ తర్వాత నాగబాబు జీతెలుగులో రెండు కామెడీ షోలు చేశారు. తర్వాత కొన్నాళ్ల గ్యాప్‌ తర్వాత ఇప్పుడు మాటీవీలోకి వచ్చేశారు.

కామెడీ రియాలిటీ షో కాన్సెప్ట్‌లో మాటీవీలో ప్రసారమవుతున్న కామెడీ స్టార్స్‌ షోకి ఇప్పుడు నాగబాబు జడ్జిగా వచ్చారు. కొన్ని రోజుల క్రితం వరకు షోకి శేఖర్‌ మాస్టర్‌ జడ్జిగా ఉండేవారు. అయితే గత రెండు, మూడు ఎపిసోడ్ల నుండి ఆయన రావడం లేదు. ఆయన స్థానంలో అలీ వచ్చారు. ఇప్పుడు నాగబాబు ఫుల్‌ టైమ్‌ జడ్జిగా వచ్చారట. ఆయన ఎంట్రీలో శ్రీముఖి డైలాగ్‌తో ఈ విషయం తేలిపోయింది. అయితే ఎందుకు లేటు అనేది చెప్పలేదు.

ఇప్పుడు ప్రశ్న అల్లా… ఈ షోను ఎంత మేర ఆసక్తికరంగా తీసుకెళ్తారు, ఆయన ఎన్ని రోజులు ఇక్కడ కొనసాగుతారు. ఎందుకంటే నాగబాబు జబర్దస్త్‌ నుండి బయటికొచ్చాక చేసిన షోస్‌ ఏవి కూడా ఎక్కువ రోజులు కొనసాగలేదు. వేరే టీవీల్లో చేసినవి కావొచ్చు, సొంతంగా తన యూట్యూబ్‌ ఛానల్‌లో చేసినవి కావొచ్చు… అన్నీ కొద్ది రోజులే నిలబడ్డాయి. నాగబాబు కొత్త ప్రయత్నం ఏమవుతుందో చూడాలి.

నాగ చైతన్య రిజెక్ట్ చేసిన 10 సినిమాల్లో 3 బ్లాక్ బస్టర్లు…!

Most Recommended Video

టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?