బాహుబలి క్రియేటర్ కి దక్కిన ఏఎన్నార్ అవార్డు!

తెలుగు ప్రజలందరూ గర్వించదగ్గ సినిమాని తెరకెక్కిన దర్శకధీరుడు ఎస్.ఎస్.రాజమౌళికి అరుదైన గుర్తింపు దక్కింది. భారతీయ చలన చిత్ర పరిశ్రమలో విశేష సేవలందించిన వారికి ప్రదానం చేసే జాతీయ ఏఎన్నార్ అవార్డు వరించింది. ఈ విషయాన్ని నేడు అక్కినేని నాగార్జున సోషల్ మీడియా వేదికపై ప్రకటించారు. దాదా సాహెబ్ పాల్కే అవార్డు గ్రహీత అక్కినేని నాగేశ్వరరావు గౌరవార్ధం  అక్కినేని ఇంటర్నేషనల్  ఫౌండేషన్ వారు నెలకొల్పిన ఈ అవార్డును గతంలో అమితాబ్ బచ్చన్, శ్రీదేవి, హేమ మాలిని, శ్యామ్ బెనెగల్, కె.బాలచందర్ వంటి ప్రముఖులు అందుకున్నారు. 2017 సంవత్సరానికి గాను రాజమౌళి ఎంపికయ్యారు.

ఈ అవార్డుని ఈనెల 17 న శిల్పకళా వేదికలో జరగనున్న వేడుకలో జక్కన్నకి అందించనున్నారు. ఈ అవార్డుని భారత ఉప రాష్ట్రపతి ఎం.వెంకయ్య నాయుడు చేతుల మీదుగా రాజమౌళి అందుకోనున్నారు. ఈ సందర్భంగా ఫిల్మ్ ఫోకస్ రాజమౌళికి శుభాకాంక్షలు చెబుతోంది. మరిన్ని అవార్డులు అందుకోవాలని ఆకాంక్షిస్తోంది.

Also, do SUBSCRIBE to our YouTube channel to get latest Tollywood updates.