ఆ వార్తలు చైతన్యను నిద్రపోకుండా చేశాయట

April 18, 2020 / 02:39 PM ISTByFilmy Focus

Join Us

హీరో హీరోయిన్స్ వ్యక్తిగత జీవితాలపై రూమర్స్ అనేవి సర్వసాధారణం. ఓ హీరో, హీరోయిన్ వరుసగా రెండు మూడు సినిమాలు కలిసి చేసినా, ఇద్దరు పబ్లిక్ లేదా ప్రైవేట్ ఈవెంట్ లో జతగా కనిపించినా.. వారి మధ్య ఎదో ఉంది అని రాసేస్తూ ఉంటారు మీడియా వారు. సెలిబ్రిటీల వ్యక్తి గత విషయాలంటే పబ్లిక్ కి భలే ఆసక్తి, ఈ ఆసక్తిని క్యాష్ చేసుకోవడానికి మీడియా ఉన్నదానికి రెండు కలిపి మసాలా వేసి వడ్డించేస్తారు. దీని గురించి ఎవరెన్ని అన్నా ఇది సాధారణంగా జరిగి ప్రక్రియ అయిపోయింది.

అక్కినేని కుటుంబం నుండి మూడవ తరం నటుడిగా పరిశ్రమకు పరిచమైన నాగ చైతన్యకి కెరీర్ ప్రారంభంలో ఇలాంటి సమస్యే ఎదురైందట. ఆయనకు ఓ హీరోయిన్ తో ఎఫైర్ నడుస్తుందని వార్తలు రాగా అవి నాగ చైతన్యను ఆందోళనకు గురిచేశాయట. ఈ విషయాన్ని గతంలో జరిగిన ఓ ఇంటర్వ్యూ లో నాగార్జున స్వయంగా చెప్పారు. జోష్ సినిమాతో వెండి తెరకు హీరోగా పరిచయమైన నాగ చైతన్య ఓ హీరోయిన్ తో ఎఫైర్ నడుపుతున్నాడు, అలాగే చైతూ పెద్ద డ్రింకర్ అని ఓ మాధ్యమంలో వార్తలు ప్రచురించడం జరిగిందిట.

Nagarjuna Reaction on Naga Chaitanya Affair1

దానికి తీవ్ర ఆందోళనకు గురైన చైతూ, రాత్రంతా నిద్ర పోకుండా ఆలోచిస్తూనే ఉన్నాడట. ఆ నెక్స్ట డే ఉదయాన్నే 5:45 నిమిషాలు తన వద్దకు వచ్చి ఆ వార్తల గురించి చెప్పాడట. అప్పడు నాగార్జున ”నువ్వు నటుడివి కావాలనుకుంటున్నప్పుడు ఇలాంటి చాల సాధారణంగా వస్తుంటాయి. నీవు పెద్ద నటుడివి అయితే ఇంకా ఎక్కువ పుకార్లు వస్తూ ఉంటాయి, కాబట్టి ధృడంగా ఉండాలి, వాటి గురించి ఆలోచించకు, మళ్ళీ ఇలాంటి విషయాల గురించి నన్ను అడగకు” అని అన్నారట. అప్పటి నుండి తనపై వచ్చే రూమర్స్ కి చైతూ సరదాగా తీసుకొని నవ్వుతాడట. ఇంత కి నాగ చైతన్య ఎఫైర్ నడుపుతున్నాడని వార్తల్లో నిలిచిన ఆ హీరోయిన్ ఎవరో కాదు చైతు భార్య సమంతనే.