Coolie: నెట్టింట వైరల్ అవుతున్న కూలీ క్రేజీ సీన్.. నాగ్ అదరగొట్టాడుగా!

రజనీకాంత్  (Rajinikanth) , నాగార్జున (Nagarjuna)  ప్రధాన పాత్రల్లో లోకేశ్ కనగరాజ్ (Lokesh Kanagaraj) డైరెక్షన్ లో తెరకెక్కుతున్న కూలీ (Coolie)  సినిమాపై భారీ స్థాయిలో అంచనాలు నెలకొన్నాయి. నాగార్జున పుట్టినరోజు సందర్భంగా విడుదలైన ఫస్ట్ లుక్ కు ప్రేక్షకుల నుంచి మంచి రెస్పాన్స్ వచ్చింది. ఈ సినిమా కోసం నాగార్జున రికార్డ్ స్థాయిలో రెమ్యునరేషన్ తీసుకున్నారని వార్తలు జోరుగా వినిపించాయి. ఈ మొత్తం ఏకంగా 24 కోట్ల రూపాయలు అని ప్రచారం జరిగింది. కూలీ మూవీ షూట్ ఇప్పటికే మొదలు కాగా నాగార్జునకు సంబంధించిన కీలక సన్నివేశాలను షూట్ చేస్తున్నారని తెలుస్తోంది.

Coolie

కూలీ మూవీకి నాగార్జున తమిళంలో డైలాగ్ చెబుతూ ఫైట్ చేస్తున్న వీడియో ఒకటి నెట్టింట తెగ వైరల్ అవుతోంది. ఈ వీడియోను చూసిన నెటిజన్లు ఇప్పటికే విడుదలైన ఫస్ట్ లుక్ తో పోలిస్తే తాజాగా రిలీజైన వీడియోలో నాగ్ లుక్ అద్భుతంగా ఉందని కామెంట్లు చేస్తున్నారు. నాగ్ తన పర్ఫామెన్స్ తో సైతం అదరగొట్టారని ఈ లీకైన సీన్ చూస్తే అర్థమవుతోందని ఈ సినిమా నాగ్ కెరీర్ లో స్పెషల్ మూవీగా నిలవడం పక్కా అని ఇండస్ట్రీ వర్గాల్లో వినిపిస్తోంది.

అక్రమ రవాణా మాఫియా బ్యాక్ డ్రాప్ లో ఈ సినిమా తెరకెక్కుతోందని తెలుస్తోంది. నాగార్జున ఒకవైపు కుబేర సినిమాలో నటిస్తూనే మరోవైపు ఈ సినిమాలో కూడా నటిస్తుండటం గమనార్హం. నాగార్జున నటించిన సినిమాలలో ఈ మధ్య కాలంలో మెజారిటీ సినిమాలు భారీ స్థాయిలో కలెక్షన్లను సొంతం చేసుకోలేదు. భవిష్యత్తు సినిమాలతో నాగ్ పాన్ ఇండియా హిట్లను అందుకోవాలని ఫ్యాన్స్ భావిస్తున్నారు.

నాగార్జున కెరీర్ పరంగా భారీ విజయాలను అందుకుంటారేమో చూడాలి. ప్రస్తుతం నాగ్ బిగ్ బాస్ షో సీజన్8 కు హోస్ట్ గా కూడా వ్యవహరిస్తున్నారు. నాగ్ వయస్సు పెరుగుతున్నా ఇప్పటికీ తన లుక్స్ తో మాత్రం ప్రేక్షకులను మెప్పిస్తున్నారు.

#COOLIE : #Nagarjuna Scenes Leaked

This is Gonna Be Bigger This Time#Rajinikanth | #LokeshKanagaraj pic.twitter.com/z9akfvcNOS

— Taffyy (@MenInBlack67) September 18, 2024

దసరా సినిమాలలో ఆ భారీ బడ్జెట్ సినిమాలు బాక్సాఫీస్ ను షేక్ చేస్తాయా?